Herri galdeketan

Atzo bozkatu egin nuen Elorrioko herri galdeketan. Ez nintzen oso itxuroso joan, herren nenbilelako, baina joan egin nintzen kiroldegira nire iritzia ematera. Ezetz bozkatu nuen, ez dudala gura AHT bat hiriburuetan bakarrik geratuko denik eta garraio astuna arinduko ez duenik (uste baitut ipuin bat dela lastertasun handiko trenak ez-dakit-zenbat-mila kamioi erretiratuko dituela gure errepideetatik, gauza bat baita tren bidezko garraio astuna —motela—, eta beste bat bidaiarien tren lasterra). Eskerrik asko antolatzaileei galdetu izanagatik.

Kategoriak Sailkatugabeak | Etiketak , , | Iruzkin 1

8. probintzia, 12. saioa

Horra “8. probintzia“ irratsaioaren 12. saioa. Abenduaren 2an egin dugu Euskadi Irratian, Amarauna saioan.

Edukiak
Hamabigarren saioan honako gai hauek jorratu ditugu:

    * Wikipedia eta euskarazko Wikipedia.
    * Zertaz hitz egin den aste honetan euskal blogosferan.
    * Bi blog aipagarri: Ingelesen Hilerria eta Olmako Tximiniatik.

powered by ODEO

Kategoriak Sailkatugabeak | Etiketak , , , | Utzi iruzkina

Lehen urratsak Wikipedian

Hasi naiz edukiak sartzen euskarazko Wikipedian. Horrekin batera, ikasten ari naiz, poliki-poliki, zelan editatzen den sareko entziklopedian eta hor zelan dabiltzan gauzak. Hasteko, gertuko gaiak aukeratu ditut:

  • HUHEZI. Nire lantokia. Banuen lehendik ere informazio hori; beraz, apur bat moldatu eta argitaratu baino ez du izan.
  • Daniel Innerarity. Gure fakultatera etortzekoa zelako aukeratu nuen. Kasu horretan, gaztelaniazko Wikipediatik hartu nuen informazioa.
  • Musakola. Hor jaio nintzen, Mondragoen. Han eta hemen informazioa batu eta idatzita egin nuen.
  • Jokin Zaitegi. Mondragoetarra, eta ahaztuetan ahaztuenetako bat euskal kulturan.
  • Euzko-gogoa. Jokin Zaitegik 1950etik 1960ra argitaratutako aldizkaria.

(Eguneratzea: sarrera hauetako hiruk (HUHEZI, Musakola eta Jokin Zaitegi) aurretik lerro bat-edo zuten idatzita. Beraz, nik osatu egin ditut).

Sarrera hauek argitaratu ahala, joan naiz ikasten zelan egin barne eta kanpo loturak. Konturatu naiz, halaber, zein bizkor lan egiten duten euskarazko Wikipediako editoreek, zeren sarrerak argitaratu eta berehala, baten batek txukundu egiten ditu: loturak ondo ipini, testua pixka bat osatu, taula batean antolatu hauteskundeetako datuak…

Ohartu naiz, orobat, zenbat dagoen egiteko euskarazko Wikipedian. Beraz, zuek ere animatu nahi zaituztet zuen inguruko informazioa euskarazko Wikipedian sartzera. Animo!

Kategoriak Sailkatugabeak | Etiketak , | 7 iruzkin

Zelene gure senidea da

Orain
pare bat hilabete Zelene Aranzabal izeneko neska batek mezu bat bidali zidan Facebook
aplikazioa erabilita. Galdetzen zidan ea senideak ginen, berak bazuela
birraitona bat, Pedro Aranzabal, Euskal Herritik Mexikora joandakoa, eta han
seme-alaba piloa izan zuena ezkontzatik kanpo. Orain badakit, Zelene eta biok
senideak garela, nahiz eta urrunekoak izan.

Herenegun
tio Pedroren bi argazki lortu nituen –gure aitaren osaba zen Pedro, eta
horregatik deitzen genion horrela etxean. Kontua da, jaso bezain laster,
Zeleneri bidali nizkiola. Gaur goizean mezu hau jaso dut.

Zeleneren gutuna
Acabo
de recibir las fotos! Ese mismo es el abuelo de mi padre. Los dos hijos
oficiales en la foto son mi tio Pedro Aranzabal y mi tio Jesus “Chuy”
Aranzabal, las hijas son Esperanza, Mayte y Marcela. De hecho, mi tio Chuy
vivio algunos meses en El Paso, TX con nosotros cuando yo era pequena.

La historia parece ser algo asi, mi abuelo fue procreado fuera de matrimonio,
parece ser q’ fue antes de q’ se casara con la Senora Esperanza.
Solo de q’ por parte de el Tio Pedro se le reconocio a mi abuelo q’ tambien se
llama Jesus como hijo y por eso es de q’ se le dio el apeido de Aranzabal. Los
dos hijos oficiales del Tio Pedro reconocieron a mi abuelo como hermano y es
por eso q’ yo conosco a a los dos hijos oficiales de el tio Pedro (mi
bisabuelo). Se q’ el Tio Pedro procreo muchos hijos/hijas fuera del matrimonio
pero los otros no fueron reconocidos por el ni por la familia oficial de el.

Mi abuelo ya murio, pero simpre nos conto de el. Q’ chico es el mundo. Ahora,
q’ me doy cuenta q’ somos parientes pues me gustaria manterneme en contacto con
usted, bueno si le parece bien a usted.

Un fuerte abrazo y beso

Zelene Aranzabal

Kategoriak Sailkatugabeak | Etiketak , , | Utzi iruzkina

Kindle erosi, bai ala ez?

Gustukoa dut irakurtzea eta etxea liburuz beteta daukat. Horregatik, hasita nago Jimu Iturraldek Garan proposatutakoa egiten, alegia, etxean liburu berri bat sartzen dudan bakoitzean, zahar bat ateratzen dut (eman, bota edo utzita). Joan den astelehena ezkero baina, badut beste irtenbide bat: Kindle irakurgailu digitala.

Abantailak
Kindle irakurgailuak badu abantailarik, noski: Amazonen liburu dendan begiratzea (90.000 titulu ditu prest formatu digitalean); aldean liburu mordoa eramatea, 200; eta, paperean barik, liburu digitalak argitaratzea. Alegia, aurrerantzean papera izan daiteke bakarrik idazle kontsagratuen pribilegioa; besteok aprobetxa dezakegu liburuak formatu digitalean ateratzeko. Ez moldiztegiko kosturik, ez banaketakorik. (Bide batez, Euskal Herriko argitaletxeak has daitezke hausnartzen liburu digitalek zer aldeketa ekarriko dizkien negozioa antolatzeko orduan).

Desabantailak
Garestia da, 400 dolar. Itxia da, Amazonen bakarrik eros daiteke. Halamoduzko diseinua omen du. Ezin zaio pasatu lagun bati, paperezkoak pasatzen diren moduan. Bitxikeria bat: Amazonen bertan jasotako lehen 500 kritiken artean, bakarrik %30ek eman diote 4 edo 5 izan Kindleri. Erdiak, berriz, nota kaskarra eman diote, 1 edo bi izar. E pur, ale mordoa saldu omen dira.

Nire kasuan, oraingoz kasu egingo diot Jimuren aholkuari. Seguru nago berandu baino lehen liburu irakurgailu hobeak eta merkeagoak irtengo direla. Eta orduan bai, erosiko dut bat.

Kategoriak Sailkatugabeak | Etiketak , , | 2 iruzkin

8. probintzia, 11. saioa

Horra “8. probintzia“ irratsaioaren 11. saioa. Azaroaren 25ean egin dugu Euskadi Irratian, Amarauna saioan.

Edukiak
Hamaikagarren saioan honako gai hauek jorratu ditugu:

  • Zelan konfiguratu nabigatzailea euskaraz.
  • Zertaz hitz egin den aste honetan euskal blogosferan.
  • Bi blog aipagarri: Irratia.com eta Sukaldean.com

powered by ODEO

Kategoriak Sailkatugabeak | Etiketak , , , | Utzi iruzkina

Faroak 101 harpidedun Bloglinesen

Bloglines

Atzo konturatu nintzen Faroak 101 harpidedun
dituela  Bloglines informazio batzailean. Eskerrik asko blog hau aukeratu duzuen
guztioi. Segi gogor.
 
Kategoriak Sailkatugabeak | Etiketak , | 3 iruzkin

Wikieu-L posta zerrenda

Asteartean, jakin bezain laster posta zerrenda bat sortu zela, Wikieu-L izenekoa, euskarazko Wikipediaren inguruan, berehala eman nuen izena. Eta, nik bezala, beste 27 lagunek ere gauza bera egin zuten. Batzuek esperientzia luzea dute euskarazko Wikipedian, eta beste asko oraintxe hasi gara lehen urratsak egiten. Azken horientzat, ni barne, erreminta ona izango da posta zerrenda, euskarazko Wikipedia hobeto ezagutzeko, eta ikasi beharrekoak barneratzeko.
 
Zuek ere nahi baduzue parte hartu Wikipediaren proiektuan, eman izena Wikieu-L posta zerrendan. Irekia da-eta.

Kategoriak Sailkatugabeak | Etiketak , | 6 iruzkin

Wiki hitza Oxford Ingeles Hiztegian

Angela Beesley wikilariari irakurri diot Oxford English Dictionary izeneko hiztegi ospetsuak “wiki” hitza onartu duela hiztegian. Wikia da webgune bat, elkarlanerako egina, eta gehienetan bisitariek edita dezakete hango edukia. Wiki hitza dator hawaiieratik, eta esan nahi du “bizkor”.

Euskaltzaindiaren Hiztegi Batuan egin dut galdera, ea wiki hitza agertzen den, baina erantzun hau jaso dut: “ez da aurkitu”. Iritsiko da.

Kategoriak Sailkatugabeak | Etiketak , , | 2 iruzkin

Arazoak aspaldiko dokumentuekin

Aurrekoan Faktorian entzun nion Gari Araolazari esaten bere ustez OpenOfficen abantailarik handienetako bat dela, denbora igarota ere, formatu horretan egindako dokumentuak berdin-berdin irekiko direla hemendik urte mordora. Word eta beste aplikazio zenbaitekin egindakoak, berriz, ez.

Uste dut Gari zuzen dabilela. Joan den asteazkenean berreskuratu nahi izan nuen testu bat orain 12 urte idatzitakoa Word 5.0 bertsioarekin. Aurkitu eta ireki nuen, baita irakurri ere. Baina kopiatu eta gorde egin nahi izan nuenean, ez zidan utzi; marrak agertzen zitzaizkidan nonahi. Lagun bati bidali behar izan nion dokumentua, berak oraindik gordetzen baitu Word 5.0 classic moduan.

Orain badakit ezin izango dudala ireki dokumenturik Word 5.0 edo bertsio zaharragoekin idatzitakoa izanez gero. Eta horrelako asko daukat. Beraz, hurrengo ordenagailua erosten dudanean, oso kontuan izango dut software librearen aukera.

Kategoriak Sailkatugabeak | Etiketak , , | 2 iruzkin