Arazoak aspaldiko dokumentuekin

Aurrekoan Faktorian entzun nion Gari Araolazari esaten bere ustez OpenOfficen abantailarik handienetako bat dela, denbora igarota ere, formatu horretan egindako dokumentuak berdin-berdin irekiko direla hemendik urte mordora. Word eta beste aplikazio zenbaitekin egindakoak, berriz, ez.

Uste dut Gari zuzen dabilela. Joan den asteazkenean berreskuratu nahi izan nuen testu bat orain 12 urte idatzitakoa Word 5.0 bertsioarekin. Aurkitu eta ireki nuen, baita irakurri ere. Baina kopiatu eta gorde egin nahi izan nuenean, ez zidan utzi; marrak agertzen zitzaizkidan nonahi. Lagun bati bidali behar izan nion dokumentua, berak oraindik gordetzen baitu Word 5.0 classic moduan.

Orain badakit ezin izango dudala ireki dokumenturik Word 5.0 edo bertsio zaharragoekin idatzitakoa izanez gero. Eta horrelako asko daukat. Beraz, hurrengo ordenagailua erosten dudanean, oso kontuan izango dut software librearen aukera.

Kategoria: Sailkatugabeak Etiketak , , . Gorde lotura.

2 erantzun Arazoak aspaldiko dokumentuekin-ri

  1. egilea: Gari

    Joxe, ez duzu hurrengo aldiaren zai egon behar. Gaur bertan jar dezakezu OpenOffice zure Mac elegantean. Baina hau kontutan izan beharreko gai garrantzitsua da, eta ez bakarrik bulegotikako paketeekin, adi Picasa edo argazkiak kudeatzeko hainbat aplikazioekin, adi grabatzen dituzuen bideoekin edo e-postarekin. Ziurtatu informazio hori nahi duzuen momentuan hortik atera eta beste sistema batetara eramateko gai izango zaretela.

    Lehen ere aipatu izan dut Mark Pilgrim-en hackerraren Juggling oranges artikulua. Merezi du irakurtzeak.

  2. egilea: Jabi

    Ta gainera testua Mac Performa edo Quadra zahar horietako batekin idatzia egongo zuan…

Utzi erantzuna

Zure e-posta helbidea ez da argitaratuko. Beharrezko eremuak * markatuta daude