Epaiketarik ez!

Gaur aztertuko da Espainiako Auzitegi Nazionalean Egunkaria auziko zazpi auzipetuek aurkeztutako helegitea. Hori dela eta, elkartasuna erakutsi nahi diet auzipetuei, eta ozen eskatu blog xume honetatik bakean utz ditzatela, epaiketa horrek ez baitu ez hankarik ez bururik. Eta zuei —Martxelo, Joan Mari, Pello, Iñaki, Xabier biak eta Txema— besarkada handi bat.

Kategoria: Sailkatugabeak Etiketak , , . Gorde lotura.

2 Responses to Epaiketarik ez!

  1. egilea: p. gaztelumendi

    Eta astelehenean zitazioaren bila abiatu zirenentzako ez dago elkartasunik?

    Nik uste nuen, epaitegietatik aspaldian datozen eraso guztiek (euskalgintza, enpresak, egunkariak, irratiak, elkarteak, erakunde politikoak…) neurri berean zirela epaigarri eta elkartasuna adierazteko modukoak.

    Ni ez naiz inor, inoren elkartasuna epaitzeko, baina iruditzen zait, primerako eta segundako elkartasuna banatzen ari garela hemen.

    Arriskutsua egiten zait, zinez, gaia planteatzea ere. Baina Egunkaria itxi aurretik, Egin eta Egin irratiarekin injustizia bera, berdin berdina, egin zuten. Tortura latzagoak jaso zituzten Egunkariko gure lagunek, bai hori egia da, baina soka beretik tiraka hasi ziren Madrileko auzitegietatik.

    Auzi guzti hauetan, elkartasuna batu eta indartzeko tenorea da. Epaituak eurak, sekulako ahalegina egiten ari dira zentsu horretan, eta horren lekuko eta adibide da 18/98+ ekimena bera.

    Gogoetarako baliatuko dugulakoan.

  2. egilea: Joxe Aranzabal

    Sentitzen dut, Patxi, baina elkartasuna erakusten diedanean Egunkariko lagunei, ez naiz inor baztertzen ari, ez eta bi mailatako elkartasuna banatzen. Otsailaren 19an Kursaalen izan nintzen, 18/98+ kasuan berrehundik gora inputatuei elkartasuna erakustera, eta astebete lehenago Bergaran egin genuen antzeko ekitaldi bat Debagoieneko jende askorekin.

    Eskertzen dizut oharpena, baina ez dut ezelango asmorik baimen eske hasteko nori erakutsi elkartasuna eta zein terminotan. Besarkada bat.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude