Mendraka txakolina

Campsak aparteko nota eman dio Mendraka Txakolinari Espainiako Ardoen Gidaliburuan, 88 puntu, txakolinen artean puntuaziorik garaiena, Txomin Etxaniz-ekin batera. Pozik nago, txakolin hori egiteko mahatsaren zati bat Esteñibar baserrian hazten delako, mimo handiz, Mikel Irizarrek behin baino gehiagotan kontatu digun moduan. Pozik, halaber, Gomez Kerejeta anaiak —Txelu eta Valen— ezin hobeto kudeatzen ari direlako txakolin gazte hori, eta pozik, amaitzeko, Mikel Garaizabal enologoak ere lan aparta egiten duelako. Zorionak denoi!

Joxe Aranzabal