Etiketaren artxiboa: saski-naski

Maiatzaren 5 honetan gogoak Saturraranera egin dit. Aspalditxo, 1964an-edo, hara joan nintzen Arrasateko zenbait mutikorekin, Saturrarango seminariora, abade izateko asmoarekin. Hamaika urte nituen orduan. Oker ez banabil, 65 ikasle ginen gure kurtsoan. Eta haietatik, bat bakarrik abadetu zen. Geroago, hark … Jarraitu irakurtzen →

Atzo kukua entzun nuen aurten lehendabizi. Esteñibar baserrian nintzen, mahastian, mahatsondoei adar berriak bakantzen, eta, halako batean, eguerdi partean, ku-ku! entzun. Eta diru kontuak? Han ginen guztiok asfaltokumeak ginen, eta aurten lehen aldiz entzuten genuen kukua. Inork ez zuen dirurik … Jarraitu irakurtzen →

Maitemindu bikote bat jartzen direnean elkarrekin belarretan ordubetez, iruditzen zaie minutu bat. Baina jar daitezela labe bero batean minutu batez… irudituko zaie ordubete baino gehiago. Horra erlatibitatea. (Albert Einstein).

Igande gauean Documentos TV ikusi nuen. Zati bat. Errumaniako familia baten kasua erakutsi zuten, Madrilen bizi direnak: hiru anaia Errumaniatik etorriak, euretariko bi beren neskalagunekin, eta hirugarrena, Martxoaren 11ko biktima. Hiru planotan erakutsi zuten Banutarren historia, familia hark Banu baitzuen … Jarraitu irakurtzen →

Atzo ezusteko itzela eman zidan autoak. Etxera bidean nintzen. Kanpoan euria, eta ni ohi baino polikiago Kanpazar igoten. Erraustegi ondoko bihurgunean sartu nintzenean, gurpilak noraezean sentitu nituen. 40ra-edo nindoan, eta beribila justu-justu nire bidetik. Auto bat jaisten, eta ni ezker-eskuin, … Jarraitu irakurtzen →

Atzo arratsaldean beribilean sartu nintzenean jakin nuen Vatikanok aukeratu zuela buru berria: Benedikto XVI. Ondoren, baina, ikasi nuen nor den Erromako apezpikua: Ratzinger kardinala. Eta atsekabetu egin nintzen, elizaren dogmatikoen burua gailendu delako. Lehenengo gauza pentsatu nuen Opus Deik ondo … Jarraitu irakurtzen →

Bukatu da Besta, hau da, blogarien festa, eta begiratu bat eman diet hauteskundeen emaitzei. Ez dut asti handirik izan horretaz pentsatzeko, baina uste dut gaurko emaitzetatik oso gobernu bestelakoa irten daitekeela Gasteizen. Nik ondorio hauek atera ditut, botelasterrean: EAHK. Bera … Jarraitu irakurtzen →

Atzo “Iñaki Aldekoa”:http://www.armiarma.com/zaldiero/114.htm ikusi nuen Sautrela saioan, Ereineko editorea eta Historia de la literatura vasca liburuaren egilea. Eztiki, baina ezin garbiago, esan zuen eliza katolikoaren kontrarreformak (Trentoko kontzilioa: 1545-1563) eten egin zuela euskal literaturaren bilakaera, eta horrek Europakoarekin zuen paralelismoa. … Jarraitu irakurtzen →

Gaurko lerro hauen bidez txalotu nahi dut Susa argitaletxea sarean egiten ari den lan handia. Atzo bertan irakurri nuen Sustatun Klasikoen Gordailua sortu duela, eta hor ipini dituela gure klasiko mordoren lanak. Sartu nintzen, eta saltseatu apur bat, eta han … Jarraitu irakurtzen →

Egia esanez gero, Aldusen berri izan nuen programa informatiko baten bidez, garai batean PageMaker programa Aldus PageMaker baitzen. Gero jakin nuen Aldus izen hori eman ziotela programari Berpizkunde garaiko inprimatzaile eta tipografo handi baten omenez, Aldus Manutius italiarra. Gutenbergen ondoan … Jarraitu irakurtzen →