Gaurko lerro hauen bidez txalotu nahi dut Susa argitaletxea sarean egiten ari den lan handia. Atzo bertan irakurri nuen Sustatun Klasikoen Gordailua sortu duela, eta hor ipini dituela gure klasiko mordoren lanak. Sartu nintzen, eta saltseatu apur bat, eta han zeuden, nire esku, milaka eta milaka lerro, euskal klasikoek idatziak. Zorionak, bada, Susari eta Patxi Salaberriri, berak ere parte handia izan baitu lan horretan.
Hori izan da azkena, baina, lehendik ere, Susak sekulako oparia egin zigun Armiarmarekin, non denetik eskaintzan digun, literaturarekin lotuta.
CodeSyntax enpresarekin batera, Susa ari da urrats esanguratsuak egiten euskalgintzak izan dezan lekutxo bat sarean. Susako taldea lan eskerga egiten ari da, eta merezi du gure txaloa. Gora Susa!
Erantzun bat Gora Susa! bidalketan