Iritsi da Kindle irakurgailua

Kindle iritsi da
Atzo etxera iritsi nintzenean, postontzian begiratu nuen —orain hiruzpalau egun abisu bat jaso bainuen Amazonena, esanez urtarrilaren 18an-edo jasoko nuela irakurgailua—, baina han ez zegoen ezer. Etxean, berriz, kaxa bat ikusi nuen egongelan, Amazonen logoarekin, eta orduan bai, jakin nuen Kindle iritsia zela.

Hiru elementu zituen kaxak: Kindle 3.0 irakurgailua (wi-fiarekin dabil), funda eta egokigailua. Aparailua piztea di-da batean egin nuen. Baita wi-fia ezartzea ere. Hortik aurrera, saltseatzen ibili nintzen. Probatzeko, liburu bat erosi nuen, ordainduta, eta minutu bat igaro aurretik, bertan neukan. Ondoren, 36 liburu jaitsi nituen, doakoak, denak klasikoak, eta denak ingelesez.

Lehen begiratuan, ez dauka iBooks aplikazioak duen lilura eta finezia, iPad batean ikusten dugunean, baina irudipena daukat Kindle hau eta biok ondo konponduko garela. Esango dizuet.

Kategoria: Sailkatugabeak Etiketak , , . Gorde lotura.

2 erantzun Iritsi da Kindle irakurgailua-ri

  1. egilea: olentzero

    Moisesen taulak ala kindle sorpresa?

  2. Joxe Aranzabal egilea: Joxe Aranzabal

    Kindle sorpresa, duda barik 😉

Utzi erantzuna

Zure e-posta helbidea ez da argitaratuko. Beharrezko eremuak * markatuta daude