Blogofobia

Txuma Murugarrenek abenduaren 11n argitaratu zituen ondoko lerroak Gara egunkarian. Saiatu naiz artikuluaren bertsio elektronikoa bilatzen, baina ez dut aurkitu. Horregatik ekarri dut hona. Merezi du irakurtzea.
Blogariek irauliko dituzte informazio eta komunikaziorako bideak. Tribu berri baten oldar geldiezinaz sartu dira euskal kultura-iritzi esparruetara, hain sutsuki nola barbaroak Erromako inperiora. Oinak sarrerako lanpasean (ongietorrian, alegia) garbitu gabe barruratu dira idazle-kazetarien klub txukunera, kaleko basaz bazterrak zipriztinduz. Baina, kezkatuta nabil. Zer gertatzen ote zaio aldra inbaditzaile horri, maizenik, kanpoko iritzietan blogofobia zantzuak ikusteko? Arduratuta daude gehiegizko arretarengatik, eta horrek minberegi bihurtu? Edo egia al da, batzuek esaten duten bezala, idazleen stablishment-a beldurtuta dagoela eta eraso egiten ari zaiela? Gehiegi iruditzen zaizkit, bata eta bestea. Blogariak gelditzeko etorri dira, ez da dudarik, eta errezelo horiek guztiek (alde batekoak zein bestekoak) baretzen joan beharko dute ezinbestean.
Kategoria: Sailkatugabeak Etiketak , , . Gorde lotura.

1 Response to Blogofobia

  1. egilea: patxi lurra

    Fobia da, medikoki, gauza bateri irrazionalki bildurra edukitzea. Bildurra orduan gauza positiboa izan leike be bai, elementu kaltegarrietatik geure burua defendatzeko mekanismoa izan daitekeelako. Baina fobiak negatiboak dira, irrazionalak diren heinean.

    Blogak ez baditugu ezagutzen edo bildurra badeukogu zeozer kenduko deuskuela (protagonismoa, adibidez), blogofobia ager daiteke. Eta oso berba egokia da.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude