Atzo kukua entzun nuen aurten lehendabizi. Esteñibar baserrian nintzen, mahastian, mahatsondoei adar berriak bakantzen, eta, halako batean, eguerdi partean, ku-ku! entzun. Eta diru kontuak?
Han ginen guztiok asfaltokumeak ginen, eta aurten lehen aldiz entzuten genuen kukua. Inork ez zuen dirurik aldean, baina bai umore ona. Ondoren, mahaiaren bueltan ginela, baten batek azaldu zuen esaera zahar bat, bitxia, kukuaren ingurukoa: San Juanetan kuku, San Pedrotan mutu, alegia, ekainaren 24an kukua entzuten dela, baina lau egun geroago, sanpedroetarako, desagertu egiten dela.
Harrigarria da kukuak, hegazti bizkarroia izanda, hau da, bere kumeak besteren kontura hazten dituela, nolako arrastoa utzi duen herri folklorean. Gotzon Garatek 31 atsotitz jaso ditu bere Atsotitzak liburuan. “Kirikiñok”:http://www.susa-literatura.com/emailuak/abarrak/ ere ipuin gogoangarri bat eskaini zion: Kukuba entzuten.
