Liburu bat erabat gomendagarria

Durangon erosi nuen, eta asteburu honetan irakurri dut: Gu, nafarrok, Xabier Zabaltzaren azken liburua. (Sentitzen dut, baina Alberdania argitaletxeak oraindik ez du liburu hori erakusten bere webgunean). Gustura irakurri dut, Xabier Zabaltzak beste ikuspegi bat eman didalako Nafarroaz eta beronen harremanez gainerako euskal herrialdeekin eta Espaniarekin. Liburua ondo idatzita dago, erraz irakurtzen da, eta eduki oso interesgarriak ditu.

Liburu honek salatzen ditu Nafarroan lehian dauden bi nazionalismoak, ez direlako gai izan nortasun elkarganatzaile bat sortzeko. “Espainolistek euskara eta euskal kultura mespretxatzen dituzte, eta abertzaleek ez dute oraindik ikasi euskalduntasuna nafartasunaren atal bat besterik ez dela”. Ahal baduzue, erosi eta irakurri opor hauetan; laburra da, eta jarrialdi batean irakur daiteke.

Kategoria: Sailkatugabeak Etiketak , , . Gorde lotura.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude