Telebista ez da irratia

Atzo iluntzean Frantzia eta Espainiaren arteko futbol partida ikusi nuen. Hasieran Cuatro aukeratu nuen, Prisa taldeko telebista katea, baina hura hitz jario amaigabea! Irratikoena baino okerragoa. Tonua, gainera, patriotero nazkagarria. Halako batean, aspertu eta Alemaniako kate bat harrapatu nuen, eta han bai, lasai asko ikusi nuen falta zena. Gutxitan hitz egiten zuten eta, piperrik ere ez ulertu arren, patxadaz ikusi nuen. Lehen zatia ikusgarria iruditu zitzaidan. Bigarrena, ostera, aspergarria. Frantziak merezita irabazi zuen.

Kategoria: Sailkatugabeak Etiketak , . Gorde lotura.

2 Responses to Telebista ez da irratia

  1. egilea: Luistxo

    Nik ere ikusi nuen… TF1 frantsesean, gauza handirik ulertu barik, errazago jasaten zen. Emazteak frantsesa ulertzen du eta esaten zidan chauvinista samarrak zirela esplikerrak, baina tonoan, bederen, espainolak baino txukunago zihardutela ematen zuen, benetan.

  2. egilea: Joxe Aranzabal

    Baionan-eta zer gertatu zen, jakin ez. Baina gure amak esan zigunez, Arrasaten txaplieguak jaurti zituzten Frantziak gola egin zuen bakoitzean.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude