Applek iPod Mini aurkeztu zuenean, 2004ko otsailean, ipotxa deitu genion. Izan ere, txiripa hutsa bazen ere, musika jogailua oso txikia baitzen, eta izen biek bazuten antzekotasun handia, batez ere fonetikoa. Joan den asteazkenean Steve Jobsek aurkeztu zuen iPod Nano, eta horri, bistan da, deituko diogu nanoa, soinuz ezezik, esanahiz ere berdinak baitira.
Nanoak kritika oso onak jaso ditu. Hala ere, nik ez dut orain erosiko, gustura nabil-eta ipotxarekin, nahiz eta nirea astunagoa izan berria baino. Iaz oparitu zidaten ipotxa, nire urtebetetzerako, eta espero dut urte batzuk irautea, jakinda ere Applek ez duela gehiago produzituko. Hala izan bedi.
