Idoia, sekula baino digitalago

Data: 2008(e)ko ekainaren 11a Egilea: Joxe Aranzabal

Nork
esango zion orain hilabete Idoia Larrañagari blog batean sartu,
erantzun bat idatzi, eta mezuak bidaltzen hasiko zela posta
elektronikoa erabilita? Edo Flickr bisitatuko zuela noiz edo behin,
argazki bila? Edo Skype erabiliko zuela itsasoz bestaldean dagoen beste
pertsona batekin berba egiteko? Eta hori guztia Macbook batean egingo
zuela?


Baina orain astebete
semea Brasilera joan zitzaion, auskalo zenbat denborarako, eta, ikusi
duenean hura bloga eta txata erabiltzen ari dela munduarekin
komunikatzeko, amaren premia gailendu egin da, eta Idoia hasi da,
poliki-poliki,  ordenagailua eta Internet erabiltzen. Bizkor ikasten
du, bere familiaren laguntzarekin, eta horrek bultzatzen du gero eta
aplikazio gehiago erabiltzera.



Gaur egun, semea joan eta egun gutxira, Idoiak Gmail kontu bat dauka,
Skype kontu bat, eta egunero sartzen da Jonen blogean eta Flickr
kontuan, nobedade bila. Semearen joana mugarri bat izan da Idoiaren
bizitzan. Web 2.0ri esker, baina, hurbil sentitzen da semeagandik. (Argazkian, Idoia eta Zanna).

Kategoriak Sailkatugabeak | Etiketak , , , | 3 iruzkin

8. probintzia, 37. saioa

Data: 2008(e)ko ekainaren 8a Egilea: Joxe Aranzabal

Horra “8. probintzia“ irratsaioaren 37. saioa. 2008ko ekainaren 8an egin dugu Euskadi Irratian, Amarauna saioan.

Edukiak
Saio honetan, honako gai hauek jorratu ditugu:

boomp3.com

Kategoriak Sailkatugabeak | Etiketak , , , | 5 iruzkin

Azpititulu desegokia

Data: 2008(e)ko ekainaren 7a Egilea: Joxe Aranzabal

Berriaren azala
Gaur goizean harri eta zur geratu naiz Berria egunkariko azalean irakurri dudan azpititulu batekin. Txabi Etxebarrieta hil zutela 40 urte igaro direla-eta, albistearen azpitituluak zioen:

  • “ETAko kidea Guardia Zibilak tirokatua hil zen, 1968ko ekainaren 8an. Bilbon, bere jaioterrian, omenaldi beroa egin diote ehunka lagunek”.

Aipatu ere ez (gero albistean bai, barruko orrialdeetan) lehenago Txabi Etxebarrietak berak hil zuela beste guardia zibil bat, Jose Pardines, ETAren lehen biktima mortala. Informazio zati hori, falta dena, pertinenteagoa iruditzen zait azpitituluaren bigarren esaldia baino, omenaldi beroarena argazki oinak esan zezakeen-eta.

Kategoriak Sailkatugabeak | Etiketak , | 5 iruzkin

Reala, gero eta okerrago

Data: 2008(e)ko ekainaren 4a Egilea: Joxe Aranzabal

Ez zait inporta Real Sociedad futbol taldea 1. mailara igotzen ez bada. Ez du merezi. Realeko lehendakariak bozeramale elabakarra izendatu du, Luis Maria Antoñanak ez baitaki euskaraz. Nire ikuspegitik, horrek esan nahi du Real Sociedad futbol taldea ez dagoela prest 1. mailan jokatzeko, ez baita gai bere inguruko gizartea kontuan hartzeko.

Realaren testuinguruak diosku euskara hizkuntza ofiziala da Euskal Autonomia Erkidegoan, baita Gipuzkoan ere. Herrialde horretan, gainera, euskaldun kopurua inon baino handiagoa dela, eta D eredua dela nagusi unibertsitatez kanpoko hezkuntzan.

Era horretako erabakiak oso urrun daude bikaintasunetik, berau ez baita erakusten futbol zelaietan bakarrik.

Kategoriak Sailkatugabeak | Etiketak | 3 iruzkin

Asmakizun erabakigarriak

Data: 2008(e)ko ekainaren 3a Egilea: Joxe Aranzabal

Aspaldi honetan La ciencia y la vida liburua daukat esku artean, Olga Lucas idazleak egindako liburua, non jasotzen baita Jose Luis Sampedro idazleak eta Valentin Fuster kardiologoak izandako elkarrizketa luzea, eta hor irakurri diot Sampedrori zerbait harrigarria:

  • Jakina denez, bolbora, iparrorratza eta moldiztegia asmakizun erabakigarriak izan ziren Erdi Arotik Aro Modernora igarotzeko. Bolborak lagundu zuen gazteluak eraisten, feudalismoa; iparrorratzak ekarri zituen nabigazio handiak, ozeanoak zeharkatzeko; eta moldiztegiak lagundu zuen ideiak zabaltzen (69. or.).

Kategoriak Sailkatugabeak | Etiketak , , | Utzi iruzkina

Hor nonbait, Brasilen

Data: 2008(e)ko ekainaren 2a Egilea: Joxe Aranzabal

Jon Bautista nire loba Brasilera joan da, Zanna bere neskalagunarekin batera. Bidaia iniziatikoa izango da hau Jonentzat. Beste sasoi batean beste batzuek egin genuena egingo du berak orain, 22 urterekin: irten mundura, eta bere lekua aurkitu.

Hori bai, hara egin aurretik, Jonek blog bat sortu zuen, Hor nonbait, eta blog horretan emango digu bere joan-etorrien berri. Blogean jakin dugu, adibidez, bidaia ondo egin dutela, eta onik iritsi direla Bahiara. Animatzen bazarete, utziezue animozko erantzun bat Joni eta Zannari, eskertuko dizuete-eta.

Kategoriak Sailkatugabeak | Etiketak , , | Utzi iruzkina

8. probintzia, 36. saioa

Data: 2008(e)ko ekainaren 1a Egilea: Joxe Aranzabal

Horra “8. probintzia“ irratsaioaren 36. saioa. 2008ko ekainaren 1ean egin dugu Euskadi Irratian, Amarauna saioan.

Edukiak
Gaurko saioa berezia izan da, Euskal Herriko zenbait tokitan izan diren uholdeak direla-eta, eten behar izan baitugu saioa, lehentasuna zuen-eta uholdeen gainean informazioa emateak. Horregatik, ez ditugu jorratu saioaren azken bi atalak, aktualitatea eta blogak.

Hortaz, gai hau jorratu dugu:

boomp3.com

Kategoriak Sailkatugabeak | Etiketak , , , | Iruzkin 1

Agur jaioterriko etxeari

Data: 2008(e)ko maiatzaren 29a Egilea: Joxe Aranzabal

Gaur goizean pasatu naizenean Mondragoeko saihesbidetik, Musakolan,
begiratu egin dut gure betiko etxerantz, halako sentipen gazi-gozo
batekin, dagoeneko ez baita gurea. Atzo bertan paperak egin eta saldu
genuen, giltza eta guzti.



Etxe horretan –Gipuzkoa etorbidea 40, 1. eskuina– igaro genituen gure
haurtzaroko eta gaztaroko urterik gehienak, aita eta amarekin batera.
Etxe ona izan da guretzat. Nik, behintzat, oso oroimen onak ditut
bertakoak. Etxea saltzearekin batera, itxi egin dugu gure bizitzetako
kapitulu bat. Baina etxe hori beti izango dugu gogoan, gure
ibilbidearen parte bat baita. Etxetiar berriei, zorterik onena.

Kategoriak Sailkatugabeak | Etiketak , , | Utzi iruzkina

Aldaketa interesgarria

Data: 2008(e)ko maiatzaren 28a Egilea: Joxe Aranzabal

Consumer aldizkarian irakurri dut mundua aldatzen ari dela; teknologia
berriei esker beste eremu bat eratzen ari dela, eta hor pertsona
bakoitzak duenak balio gutxiago duela auzolanean edo sarean partekatu,
banatu edo hobetzen denak baino.

Hori horrela izanda, dio kazetariak,
zertarako ordaindu behar diegu Microsoft, Apple edo Adoberi software
batengatik, alboan software librea baldin badago besteena bezain ona
eta askoz ere merkeagoa?

Kategoriak Sailkatugabeak | Etiketak , , , | 2 iruzkin

Ramonen erretiroa ospatzen

Data: 2008(e)ko maiatzaren 26a Egilea: Joxe Aranzabal

Astoa irekitzen
Joan den larunbatean, hilak 24, bazkari bat egin genuen Gorlan, Bergaran, ospatzeko Ramon anaiak erretiro aurreratua hartu duela. Bazkaria zoragarria izan zen, menestra eta legatza, Liernik bakarrik prestatzen duen moduan.

Ondoren etorri ziren opariak: aurreko amantala, etxeko kapela eta luma-erratz bat, etxeko lanak zintzo-zintzo egin ditzan, eta asto bat pintatzeko, horixe baita Ramonen zaletasunik handiena. Hori guztia musika eta bertso alegerez osatua, Mikelek propio atondu zituen-eta egun horretarako.

Flickr-en daude orduan ateratako argazkiak. Nahi baduzue argazkiok diapositiba pase batean ikusi, klik egin Slideshow loturan, argazkien gainean, eskuin aldean.

Kategoriak Sailkatugabeak | Etiketak , , | Iruzkin 1