Orain bi urte ez nekien nor zen Alan Turing. Bere jaiotzaren mendeurrena zela-eta, hainbat erreportaje irakurri nituen, eta izoztuta geratu nintzen jakin nuenean ni jaio nintzenean, 1952an, epaile batek kondenatu zuela Alan Turing kastrazio kimikora, baldin ez bazuen nahi espetxera joan. Izan ere, Alan Turing matematikari famatua, informatikaren aitzindarietako bat eta gerrako heroia homosexuala zen, eta garai hartan Britainia Handian jende dezente zegoen hemen gure artean Sebastian kardinalak bezala uste zuena gay izatea gabezia bat dela. Eta tratatu egin daitekeela.
Omenaldi txiki bat egin nahi izan diot Alan Turing handiari, eta euskaratu egin dut Breaking the Code filma, 1996an BBCk telebistarako egin zuen pelikula. Bertan Turing-en biografia kontatzen da. Orain bertsio originalean ikus dezakezue, euskarazko azpitituluekin.
Mila esker, Joxe!