Eguraldi da

Eguraldia HTC telefonoan
Telefonoa aldatu dudanetik —orain HTC Desire bat daukat, Android sistema eragilearekin—, mirestuta nabil telefonoak berak eguraldia iragartzeko daukan aplikazioarekin. Goizero-goizero, mahaian jartzen naizenean katilukada bat labore gosaltzeko, telefonoa piztu, ukitu pantailako eguzkia edo ilargia, eta begiratu egiten dut zer aro izango dugun.

Eguneko iragarpena ez ezik, hurrengo lau egunetakoa ere eskaintzen dit telefonoak, oso modu bisualean (euria egiten duenean, esate baterako, euri tantak agertzen dira pantailak, eta parabris-garbigailu bat pantaila garbitzen). Horrezaz gain, jakitea daukat zelako eguraldia duten munduko hainbat hiritan, hala nola, Vancouverren, Boisen edo Ottawan, bizi izan naizen hiriak baino ez aipatzearren.

Pello Zabala eta Andoni Aizpuru oso jatorrak dira, baina ni haurrak baino poziago nabil telefonoaren eguraldi iragarlearekin. Edonon eta edonoiz begira dezaket.

Kategoria: Sailkatugabeak Etiketak , . Gorde lotura.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude