Lankidetza eremuak

Egun hauetan fenomeno batek harrapatu du nire arreta: coworking spaces edo lankidetza eremuak. Lantoki partekatuak dira, non oinarrizko zerbitzuak eskaintzen diren, hala nola wifi konexioa, telefonoa, bilera gelak, etab. eta bertan elkartzen da zenbait jende, autonomoak gehienak, bestela kafetegietan ibiliko litzatekeena, mahai eta wifi konexioaren bila.

Deskmag aldizkariaren arabera, munduan 820 lankidetza eremu daude, hor nonbait, horietatik 380 AEBetan, bertan jaio baitzen fenomeno hori, San Frantziskon. Egunetik egunera baina, kopuru horiek gora doaz etengabe, ekonomia berriaren adierazgarri, lankidetza eremu horiek ez baitira bakarrik lantokia partekoatzeko leku hutsak. Bertan egosten ari da sorkuntza formarik harrigarrienetan, partekatze filosofian oinarrituta.

Leku gehienetan ekintzaileek, aholkulariek eta freelance dabilenek sortu dituzte era horretako lantoki partekatuak. Leku erakargarriak dira, oso, bertan uztartzen baitira lantokia, kafetegi erako eremua, bilera gelak, elkarrizketarako tokiak eta erreminta egokiak lanerako (lastertasun handiko Internet, telefonoak eta bilera gelak). Batzuk eratzen dira gai baten inguruan: kultura sorkuntza, ingurugiroa, idazkuntza…

Hona zenbait adibide, nazioartean:

Goiko bideoan, Link Coworking eremua ikus dezakezue, Austin hirian dagoena, Texasen.

Kategoria: Sailkatugabeak Etiketak , . Gorde lotura.

2 Responses to Lankidetza eremuak

  1. egilea: Luistxo

    The Hub hiririk hiri dabilen frankizia-ideia bat da, ez bakarrik Amsterdamekoa. Donostian ere ari dira batzuk hori bultzatu nahian.

  2. Joxe Aranzabal egilea: Joxe Aranzabal

    Eskerrik asko, Luistxo.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude