MUtelebistaren lehen urtea

Irailaren amaieran hasi ginen MUtelebista egiten, Mondragon Unibertsitatearen telebista korporatiboa, Internet bidezkoa. Ikasturtean barrena 34 erreportaje igo ditugu sarera, asteazkenero bat. Esperientzia aberatsa.

Hasieran Idoia Astigarragak eta Gabonak ezkero Aitor Arregik koordinatu dute taldea, ganoraz eta profesionaltasunez biek. Eguneroko lanean, berriz, bikote gazte bat: Idurre Lazkano arduradun tekniko moduan eta Itziar Irizar ikaslea, aurkezle eta editore lanetan. Apur bat urrutixeago, Erredakzio batzordea: Idoia Peñakoba, Susana Azpilikueta, Marian Iñurritegi, Amaia Aizpuru eta ni.

Denon artean lortu dugu telebista berezia egitea: korporatiboa bai, baina bizia eta informal samarra, gazte ukituarekin. Eta horretan zerikusi handia izan dute gazteenek, asmatu baitute euren nortasuna txertatzen telebistari.

Orain indarrak hartuko ditugu datorren ikasturterako, baina aurretik agur esango diogu Itziar Irizarri, agur sentitua inondik ere, oso gustura ibili baikara berarekin. Zorte on, Itziar, eta izan dezazula etorkizun oparoa, merezi duzu-eta!

Kategoria: Sailkatugabeak Etiketak , , . Gorde lotura.

1 Response to MUtelebistaren lehen urtea

  1. egilea: josi

    Zorionak Zortigarren Lurraldeko biztanle guztiei: telebistagileei, telebista-ikusleei eta Interneten edukiak ikus-entzun-ekoizten duten guztiei 😉
    Urte-bete-tze asko opa dizuet/gu
    J
    8gnLURld-tik
    http://zortzigarrenlurraldea.eu/2011/07/09/luistxo-internet/

Utzi erantzuna

Zure e-posta helbidea ez da argitaratuko. Beharrezko eremuak * markatuta daude