Partitokrazia Euskal Telebistan

Atzo iluntzean haserretu egin nintzen Euskal Telebistarekin, berau erabili bainuen batez ere udal eta foru hauteskundeen jarraipena egiteko. Eta haserretu egin nintzen politikariei eman zien protagonismo neurrigabeagatik.

Atzokoan ez zen nahikoa izan gauan barrena zuzeneko konexioak egitea alderdi politikoen egoitzekin, beraien iritziak jakiteko. Horrezaz gain, lehen kateak bost politikari eraman zituen platora, hor ere monopoliza zezaten iritzia. Eta, zelan ez, hainbat momentutan, ETB1eko platoak oilategi bat ematen zuen, politikariak elkarri mokoka.

Hain zaila da soziologo, politologo, kanpainetan aditu eta kazetari zenbait eramatea platora, lagun diezaguten ulertzen emaitzak?

Kategoria: Sailkatugabeak Etiketak , , . Gorde lotura.

2 Responses to Partitokrazia Euskal Telebistan

  1. egilea: Julen

    Soziologo eta politologoak beranduago sartu ziren platora, 23:00ak pasata eta alderdietako ordezkariei hasierako protagonismoa emanda.

  2. marijo egilea: Desplazatua

    TV3k egin zuen era horretako mahai-ingurua Kataluniako hauteskunde gauean, eta ETBk ideia “kopiatu” zuen, han ondo atera zelako kontua.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude