20 aholku aurkezpenak hobetzeko

Geoffrey James blogariak 20 aholku idatzi ditu, hobetzeko diapositiba bidezko aurkezpenak. Gomendiook Terri Sjodin eta Stephen M. Kosslyn guruei entzunda idatzi ditu:

Formatua

  • Presta zaitez ondo, eta ikertu zure audientzia.
  • Aukeratu atzealde bat diapositibentzat, trabarik eragingo ez duena.
  • Aukeratu letratipo sinple bat, irakurterraza.
  • Lehen diapoak identifikatu behar ditu audientzia eta ekitaldia.
  • Erabili koloretako letratipoak eta letra beltza, bakarrik inportantea azpimarratzeko.
  • Erabili grafiko sinpleak, bakarrik inportantea nabarmentzeko.
  • Mugatu diapo bakoitzeko testua, berau 30 segundo edo gutxiagotan irakurtzeko.
  • Ziurtatu diapo guztietako testua irakur daitekeela gelako atzealdetik.
  • Baztertu LETRA LARRIAK, azpimarrak eta italikoak.

Edukiak

  • Ziurtatu lehen esaldiak jendearen arreta erakartzen duela.
  • Erabili hitzak jendea limurtzeko, ez sermoirik egiteko.
  • Oinarritu zure baieztapen GUZTIAK ebidentzietan.
  • Saihestu lastoa eta hizkuntza mordoiloa.
  • Erabili anekdotak edo analogiak, baldin eta biziak badira.

Zu zeu

  • Frogatu aurkezpena, harik eta eroso sentitzen zaren arte.
  • Transmititu entusiasmoa zure mezuan.
  • Uste osoa izan zure aurkezpenak irabaziko dituela jendearen borondateak.
  • Presta zaitez galde-erantzunetarako.
  • Erabili denbora egokitasunez.
  • Beti amaitu ekintzarako deia eginez.

Kategoria: Sailkatugabeak Etiketak , . Gorde lotura.

3 erantzun 20 aholku aurkezpenak hobetzeko-ri

  1. egilea: Ricardo

    Oso baliagarria, Joxe!! Osagarri bezala uzten dut hemen aspaldi FiloBlogian azaldu nuen beste aholku sorta bat:

    “Como hacer una mala presentación”

  2. arantzabal egilea: Iban Arantzabal

    Batez ere azkena gustatu zait: “Beti amaitu ekintzarako deia eginez”. Ona!

  3. Joxe Aranzabal egilea: Joxe Aranzabal

    Pozten naiz, Ricardo, baliagarria izan zaizulako. Zuk, berriz, Iban, oso ondo egiten duzu gustatu zaizun hori: beti amaitu ekintzarako deia eginez.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude