Vade retro, Internet!

A las ocho en el Bule. Facebook, ordea, edo Internet bera, ez bide dira leku egokiak lagunarterako. Horixe esan zigun joan den ostiralean Xabier Silveirak Garan idatzitako artikulu batean.

Bakoitzak bere zoroa bizi du-eta, Xabier Silveirak berea papereratu du: Internet militarrek asmatu zuten eta txakur festa da gaur egun —alegia, poliziaz josita dago—, bertan jende piloa ari baita gu zelatatzen, denok kontrolatu guran. Areago, SGAEren zortzikoan oraingoan: “Sortzaileen eskubideak izan edo izan kazetarien lana, doan edo merkeago erostearen uste faltsuan gure herriari min ikaragarria egiten ari gatzaizkio”.

Betiko kaka zaharra, kasu honetan zelofan anti-stablishment batez jantzita, zertarako eta beldurra eta kontzientzia txarra zabaltzeko sarea eta eskuko telefonoa erabili nahi ditugunon artean. Anglosaxoiek badute izen bat horretarako: FUD
(Fear, uncertainty, and doubt / Beldurra, ziurgabetasuna eta zalantza),
eta erabiltzen da marketinean, produktu baten inguruan hiru ezaugarri
horiek zabaltzeko.

Txirrita ez zen eskolatua izango, baina iruditzen zait hura zuzenago ibili zela bere garaiko aldaketa teknologikoak ulertzeko orduan.

Kategoria: Sailkatugabeak Etiketak , , , , . Gorde lotura.

2 Responses to Vade retro, Internet!

  1. egilea: Aitor

    Silveiraren artikulua irakurri dut eta ez nago batere ados. Esaten duena baino dexentez gehiago da internet. “Militarrek asmatu dutela” esatea bere kontra egiteko, oso ikuspegi motza dela dela iruditzen zait. Orain dela 20 urte baino kontrolatuago bizi garela? Seguru. Dena den, garai hauetan internetak gauza on pila bat (txarrak baino gehiago) ekarri duela erreibindikatzen ibiltzea tristea da gero.

     

     

  2. egilea: Anonimoa

    Silveira, facebooka duten ETAkideei gomendioak ematen ari zen bere artikuluan. Ertzainek, epaileek, poliziek, CNIko agenteek ba al dute facebookik? Ba ez, facebooka edukitzeak pribatutasuna, anonimatoa neurri handi batean galtzea baitakar. Eta haiei behintzat ez zaie komeni.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude