Mahats biltze bikaina

P1000743
Atzo mahats biltze eguna izan genuen Esteñibar baserrian, Elorrion. Beldurrez hasi ginen lanean, goizeko lehen orduan sirimiri apur bat egin baitzuen, baina, iragarpenak gorabehera, eguraldi ona eta mahats biltze bikaina izan genuen.

Urtero legez, jende asko eta ona elkartu ginen Esteñibarren, eta lan egin genuen martxa eta umore ezin hobean. Lehen orduan Edurne Ayuso kazetariaren bisita izan genuen (argazkian, Mikel Irizar eta Mikel Garaizabal enologoaren artean), Amarauna irratsaioko berriemailea Euskadi Irratian. Eta hark ere gauza bera esan zuen: zer giro ona genuen beharra egiteko orduan.

Arratsaldean, berriz, Skype erabili genuen Itziar Irizarrekin hitz egiteko, bera Mexikon baitago, Monterreyko Unibertsitatean, lehen lauhilekoa egiten. Elkarrizketa hunkigarria izan zen, bestela Itziarrek ez baitu hutsik egiten mahats biltze egunetan.

Egun biribila izan genuen; niretzat behintzat, urteko egunik seinalatuenetakoa. Pozik itzuli ginen etxera, jakinda, gainera, oraindik beste bi egun ditugula atsedena hartzeko.

Atzoko argazki guztiak ikusi nahi dituenak, Flickr-en ditu nireak, eta Picasan Juan Bautista anaiak ateratakoak.

Kategoria: Sailkatugabeak Etiketak , , , . Gorde lotura.

1 Response to Mahats biltze bikaina

  1. egilea: Anonimoa

    Oso argazki sorta polita osatu duk, Joxr. Martxa honetan jairik jai ikusten haut argazkiak ateratzen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude