Hiru aurkezpen bikain

Aspertuta zaude aurkezpen aspergarriak egiten Powerpoint, Impress, Keynote edo Google Docs erabilita, baina ez dakizu nondik nora jo? Trankil. Hiru adibide ekarriko dizkizut, bikainak, eta horiek eredu hartuta abia zaitezke bikaintasunera bidean.

Munduko aurkezpenik onenak
SlideShare webguneak —zeinek ostatu ematen baitie milaka eta milaka aurkezpeni, erabiltzaileon artean parteka ditzagun— lehiaketa bat antolatu berri du, “The World’s Best Presentation Contest”, eta hor aurkeztu dira 2.415 aurkezpen. Horrezaz gain, 22.000 lagunek eman dute botoa, 130 herrialdetakoak. Horiek kontuan hartuta, eta lan guztiak ondo aztertuta, epaimahaiak ondorengo hiru aurkezpen hauek aukeratu ditu beste guztien gainetik.

  1. saria: Thirst (Egarria), Jeff Brenman-ek egina, urari buruz.
  2. saria: Foot notes (Oin oharrak), Melanie Kahl-ek egina, bidaien gainean.
  3. saria: Zimbabwe in crisis (Zimbabwe krisian), Daniel Hrstich-ena, Zimbabweren inguruan.

Zelan hobetu zure aurkezpenak
Nahi baduzu hobetu zure aurkezpenak, ikusi aurreko adibideak, eta hasi galderak egiten: benetan eraginkorrak dira aurkezpen horiek? Zergatik? Zertan bereizten dira zuk egiten dituzunetatik? Zer baliabide erabiltzen dituzte zuk erabiltzen ez dituzunak? Posible ikusten duzu zuk zeuk horrelako aurkezpenak egitea?

Eta gura baduzu sakondu bide horretan, gaia interesatzen zaizulako, irakurri liburu interesgarri bat, Presentation Zen, eta bertatik bertara jarraitu Garr Reynolds adituaren webgunea, hori ere Presentation Zen.

Kategoria: Sailkatugabeak Etiketak , , , . Gorde lotura.

2 erantzun Hiru aurkezpen bikain-ri

  1. egilea: Joxe Aranzabal

    Bai. Artikulu hori oso ona da. Ondo segi.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude