Egun hauetan Miren alaba Iparraldean dabilkigu, Xalbador ikastegian, Kanbon. Hiru eguneko egonaldia egiten ari dira han Elorrioko Institutuko neskak, lehen urtekoak.
Eskola orduetatik kanpo, gure seme-alabak hangoen etxeetan bizi izango dira. Trukean, apirilean, hango neska-mutikoak etorriko dira Elorriora, eta berdin egingo dute. Hori da modu bat, Euskal Herria egiteko, bai horixe.
Epa Joxe!
Lehen gure ikastola berdina egiten zen OHOko 7.mailan. Lapurdi aldera jotzen zuten astebete eta gero hona etortzen ziren. Polita zen harremanak irauten zuelako eta bete jartzen zuten zita toki berean urtero: Herri Urratsen.
Hori bai, niri tamalez, ez zitzaidan tokatu horrelakorik egitea.
Aita, aita, aita:
Kanbora neska eta MUTILAK joan ginen!!!
Eta oso ondo pasatu genuen
Zertan neukan burua bada nik, hori idatzi nuenean? Ez dut zalantzarik egiten oso ondo pasatu zenutela. Musu bat.