Horra “8. probintzia“ irratsaioaren 19. saioa. 2008ko urtarrilaren 27an egin dugu Euskadi Irratian, Amarauna saioan.
Edukiak
Hemeretzigarren saioan honako gai hauek jorratu ditugu:
- Sareko Argia saria euskarazko Wikipediari.
- Blogen erabilera irakaskuntzan.
- Zertaz hitz egin den euskal blogosferan.
- Bi blog aipagarri: Ahuntzaren eguerdiko doministikua eta Josu Leokanne.
Orain arteko programak internet bidez jarraitu dizkizut, eta gaur, jakinaren gainean zein zen albiste zabalduena, zuzenean entzun dut. Zure tartea hasi denean esnatu naiz, hain zuzen. Espero ez nuena zen nire bloga aipagarri izendatuko zenuenik. Sorpresa!
Eskerrik asko, Joxe. Eta eskerrik asko probintzia hau ezagutarazten egiten diharduzun lanagatik.
Telepatia ote? Batzuetan horrelakoak gertatzen dira, Josu. Zuk segi gogor blogeatzen, gutariko batzuek, behintzat, arretaz irakurriko ditugu-eta zuk esandakoak.
Iepa, Joxe! Ointxe entzun dogu Maider eta biok (Pello txikia be aurrean egoan baina ez da gauza handitaz enteratu) eta ilusino handia egin deusku. Hau bai dala propaganda ederra! Portzierto, zor deutsu(e)t artikulutxo bat, edo bost une gogoangarri. Egunotan pentsa eta pentsa nabil, eta laster blogeratuko dot. Bertsolariek deukien azkartasun hura ez edukitzearen desabantailak…
Zu tranikl. Prest zaudenean, aterako duzu. Gu, ostera, gertu izango gaituzu zure lana irakurtzeko. Besarkada bat hiruroi.