iPhone al da etorkizuneko ordenagailua?

Apar ugari harrotu du Steve Jobsek herenegun egindako aurkezpenak, batez ere hark aurkeztutako iPhone telefonoak. Bego eta biok gaueko 11:30ak arte izan ginen aurkezpena ikusten ordenagailuan eta, egia esan, txundituta geratu ginen telefonoarekin. Ez dakit telefono horrek arrakasta izango duen, baina ez dut zalantzarik etorkizuneko telefonoak horrelakoak izango direla. Gozada bat ikustea zelan egin litekeen horrelako bitxi bat, bat ere teklatu barik.
 
Atzo, ordea, Mihai Alexandruk zioen etorkizuneko telefonoa ez ezik, iPhone etorkizuneko ordenagailua ere izan daitekeela. Izan ere, zioen kazetariak, pare bat urte barru zeinek erosiko du PC bat, eros badezake iPhone bat gaur egungoa baino bi aldiz bizkorragoa, disko gogor lau aldiz ahaltsuago batekin? Izan ere, iPhonek posta elektronikoa, musika, sms-ak, telefonoa, argazkiak, mapak, etab. ditu, eta dena Mac OS X sistema eragileak olioztatua. Nik ere irudipena dut Applek zerbait handia asmatu duela oraingoan ere.

Kategoria: Sailkatugabeak Etiketak , . Gorde lotura.

1 Response to iPhone al da etorkizuneko ordenagailua?

  1. egilea: Isis

    Applek egia esanda, oso gauza interesgarriak asmatzen ditu, eta diseinu ikarragarriekin, baina oraindik bateragarritasun gutxi dago bi potentzien artean.Lanerako orduan oztopo bihurtzen da sarritan, nire kasuan behintzat.Baina zalantzarik gabe, Applek ikerketa garrantzitsuak egin ditu.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude