Lehen irratsaioa, orain 100 urte

Gabon gauean izan zen, 1906an. Reginald Aubrey Fessenden asmatzaile kanadarrak irratiaren historiako lehen irratsaioa egin zuen Brant Rock herriskatik, AEBetan, Boston hiritik 50 kilometrora.

Gaueko 21:00etan, Fessenden-ek hitzalditxo bat egin zuen, eta ondoren Handelen Largo musika saioa eskaini, Edisonen fonografoan egindako grabazio batetik. Horrekin batera, Fessendenek biolinean jo eta abestu egin zuen O, Holy Night gabon kanta. Bibliako pasarte bat ere irakurri zuen. Bukatzeko, Fessendenek Eguberri on opatu zien entzuleei eta idazteko eskatu.

Len Arminio irakasleak dio Fessendenek antolatu zuela show oso bat: “gau hartan, iragarle izan zen, disk jockeya, esataria eta zuzeneko lehen musika jolea”. Fessendenek berak horrela azaldu zuen gertatutakoa: “gau hartan ezin izan nituen jarri hitz egiten nirekin zeudenak (emaztea, idazkaria eta beste hainbat lagun), eta, ondorioz, nik neuk egin behar izan nuen dena”.

Ed Perry-ren hitzetan, “lehen aldia izan zen irratia erabili zela entretenimendurako eta ez laguntza eskatzeko, ordura arte erabili zen bezala”. Geroago, Fessenden-ek barak adierazi zuen bere lehen irratsaio hura Norfolk hirian ere entzun zela, Virginia estatuan, berak igorritako lekutik 800 kilometrora. Argibide gehiago, hemen.

Kategoria: Sailkatugabeak Etiketak , . Gorde lotura.

1 Response to Lehen irratsaioa, orain 100 urte

  1. egilea: mikel

    Kuriositateak jo naik, ze kantu ote zen. Eta hau aurkitu diat:
    o holy night south park version

Utzi erantzuna

Zure e-posta helbidea ez da argitaratuko. Beharrezko eremuak * markatuta daude