Liburu denda bat gutxiago

Atzo Hire liburu dendan izan nintzen, Arrasaten, eta Pilarrek eman zidan berria: datorren azaroan, itxi egingo dute liburu denda. Guztira 32 bat urte egin dituzte Martinez de Ubago ahizpek Portaloiaren ondoan liburuak-eta saltzen. Denda txikia da, baina liburu zaleok hortxe aurkitu dugu giro egokia, zerbitzua eta adiskidetasuna.
Faltan sentituko dut Hire, Arrasaten horixe izan baita nire liburu denda kuttuna. Bertan ordu mordoa egin dut, eta gustura sentitu naiz beti. Nora joango naiz orain?

Kategoria: Sailkatugabeak Etiketak . Gorde lotura.

2 Responses to Liburu denda bat gutxiago

  1. egilea: Nahikari

    Iepa Joxe!

    Algortan be antzeko zeozer gertau zan. Kurkudi liburudendan batzen gintzesan euskal literatura maite gendunok, baie Iñakik ateak itzi ebazan abenduen. Euskal literatura ez ei da negozioa saltzaileentzat.

    Beste liburudenda batzuk bisitau behar dodaz oin. Eztekot Megadenda ta horien kontra ezebez, baie gustetan jat saltzaileagaz liburua komentatea, liburuak aholkatu, eztait… holangue naz ni.

  2. egilea: e-gor

    Nik txikitatik dut harremana Hirekoekin. Nire izebak han ondoan zegoen Margola tintorerian egiten zuen lan eta nik bertan pasatzen nuen arratsaldea ikastolatik atera eta gero. Izebak lagun zituen Hirekoak eta sarri bidaltzen ninduen hara errekaduren bat egitera, kanbioak eskatzera eta horrelakoetara. Gero, helduagotan, han erosi izan ditut liburuak.

    Baina zuk izenburuan “liburu denda bat gutxiago” badiozu ere, oker zaudela uste dut. Ez da beste liburudenda bat soilik, Arrasateko liburudenda ganorazko ia bakarra dela esango nuke, eta galera handia nire ustez herriarentzako. Trenik ez, ganorazko garraio publikorik ez, zinemarik ez, orain liburudendarik ere ez… Zer gertatzen zaio Arrasateri? Euskal Herriko herririk garrantzitsuenetakoa izango da, industria eta unibertsitatea izango ditugu, baina zerbitzuetan…

Utzi erantzuna

Zure e-posta helbidea ez da argitaratuko. Beharrezko eremuak * markatuta daude