Blogarion besta

Joan den asteazkenean Espaloiak zabaldu zuen deialdia apirilaren 17rako. Egun horretan, bozketa eguna EAEn, euskal blogariok elkartuko gara Elgetan bertan, arratsaldeko 18:30ean.

Beste leku batzuetan bilkura horiei deitzen diete Blogs & Beers, blogak eta garagardoa, baina nik bat egin nahi dut Asier Sarasuak eta Julen Gabiriak hemen egindako proposamenarekin, eta horregatik proposatzen dizuet gure arteko bilkura hauei deitzea BST, Blogak, Sagardoa eta Txakolina, edo modu errazagoan, eta bat egiteko euskaren tradizioarekin, besta, blogarion festa izango direlako.

Apirilaren 17an Elgetan izango naiz, bestarako prest, eta gonbidatu nahi zaituztet blogari guztiak anima zaitezten etortzera. Blog irakurleak edo blogari izan nahi duzuenak ere ongi etorri beroa jasoko duzue.

Kategoria: Sailkatugabeak Etiketak . Gorde lotura.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude