Etxe berrian

Idazmahaia dezente aldatu da etxe berrian

Maiatzaren hasieran etxe berrira aldatu ginen, hemen Elorrion, eta esan liteke aldaketak ondorio eskasak izan dituela Farorako, harrezkero ia ez dut-eta ezer idatzi blog honetan. Orain arte.

Lehengo etxea ona zen, teilatupe eder batekin bigarren solairu batean, txoritoki eta guzti, eta bertan idazten nuen nik. Etxe hartan hazi genuen ume bat, eta hantxe igaro ditugu ia hiru hamarkada, zeinetan bi ostia galant ere hartu nituen eskailaretan behera, etxeak ez baitauka igogailurik.

Orain baina, 60 urte ondo beteta ditugu biok ere, eta, zahartzaroa ikusmiran, beste etxe baten bila hasi ginen, errazagoa izango zena adineko bikote batentzat. Bat aurkitu dugu, etxabe txiki bat, belardi txiki batekin, naturarekin lotzen gaituena. Hori guztia lehengo etxetik 200 bat metrora.

Hortaz, laster hiru hilabete izango dira etxe berrira etorri ginela, eta pozik gaude, auzokideak ere oso onak aurkitu ditugulako.

Dena ez da urrea, ordea, Internet-konexioa esate baterako, lehengo kable konexiotik oraingo ADSL apalera igaro baikara. Hala ere, hasieran uste nuenaren kontra, polito moldatzen ari gara. Beraz, lehen hiru hilabeteak eginda, sarriago hasiko naiz Faroan idazten.

Kategoria: Familia Etiketak , . Gorde lotura.

2 Responses to Etxe berrian

  1. egilea: asier

    Ondo bizi etxe barrixan! 😉

  2. Joxe Aranzabal egilea: Joxe Aranzabal

    Mila esker, Asier!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude