Zenbat urte dauzkat?

Gazteak

Orain astebete Microsoft enpresak erreminta bat atera zuen, How-Old.net, eta hautsak harrotzen ari da sare sozialetan, egitekoa baitu jendearen adina asmatzea, bakoitzari dagokion argazki batean oinarrituta. Erreminta berria da eta, seguruenik horregatik, emaitzak ez dira oso fidagarriak. Ikusi bestela.

Hemen jarri ditugun adibideetan, erremintak bati bakarrik asmatu dio adina, Kike Amonarriz aurkezleari, egiatan 54 urte ditu-eta,Wikipediaren arabera. Bernardo Atxagari 18 urte kendu dizkio, Anne Igartiburu 11 urte gazteago egin du, eta Uxue Barkos 6 urte gaztetu. Kasurik harrigarriena Maddalen Iriarterekin gertatu da, zeini erremintak 26 urte kendu baitizkio. Ez da kexatuko gure Maddalen!

How-Old.net probatu nahi duenak, izen bat sartu behar du bertan agertuko zaion bilatzailean, eta gero, agertuko zaizkion argazkien artean, aukeratu pertsona horren argazki bat, berriena ahal dela. Ondoren, egin klik “Use this photo” esaldian. Ea ezustekorik hartzen duzuen.

Kategoria: Teknologia Etiketak , , , , , , , , , . Gorde lotura.

1 Response to Zenbat urte dauzkat?

  1. egilea: Joseba

    10 urte gehitu dizkit how-old horrek, kar, kar!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude