Atzo egun polita igaro genuen Bergaran. Ramon anaiak bere estudio berria erakutsi zigun, leku ikusgarria, artistaren sancta sanctoruma. Jo eta ke ari da Ramon margotzen, egunean sei bat ordu, eta pozik ikusten da, ideiak bor-bor eta sekula baino ekintzaileago.
Estudiotik Zuloa elkartera joan ginen —bide batez, zein polita ikusi nuen atzo Bergara!—, eta han Liernik eta Ramonek prestatua ziguten menu berezia, ama Paulak neguko igandeetan ipintzen zigun berdina: oilasko zopa, barbantzuak azarekin eta sagar erreak.
Etxerako bidea euripean egin genuen, Bergara utzi eta euria goian behean hasi baitzen, baina gustura itzuli ginen, familia ezin hobeto ikusi baikenuen, batez ere txikiak. Argazkiak ikusi nahi izanez gero, Flickr-en dituzue ikusgai.
