Seme-alabekin eskolaz hitz egiten

Gure seme-alabak laster itzuliko dira eskolara, irailaren 9an, hor nonbait. Eskolara bueltatu bai, baina gero gutxi hitz egiten dugu eurekin zelan doazkien gauzak eskolan. Askotan eurek ez dutelako gogo handirik izaten, eta beste askotan gurasook ez dakigulako nondik hasi. Hori gogoan, Will Richardson pedagogoak hainbat galdera prestatu ditu ikasturte honetan bere seme-alabekin erabiltzeko. Hona ekarri ditut, pentsaturik guretzat ere baliagarriak izan daitezkeela:

  • Ezer esanguratsurik egin duzu gaur?
  • Zer ikasi duzu gaur munduaren gainean?
  • Zeinekin diharduzu lanean?
  • Zerk harritu zaitu?
  • Zer egin dute irakasleek zurekin?
  • Baduzu galderarik erantzun barik oraindik?
  • Zelan aldatu duzu mundua?
  • Zer ikasi dute gaur zure irakasleek?
  • Zer partekatu duzu munduarekin?
  • Zertaz jakin nahi duzu gehiago?
  • Zer gustatu zaizu gaur?
  • Zerk eragin dizu barrea?
Kategoria: Sailkatugabeak Etiketak , , . Gorde lotura.

2 erantzun Seme-alabekin eskolaz hitz egiten-ri

  1. egilea: oihana

    gu ere gure alabarekin eskolaz hitz egiten hasi gara, Joxe, baina galderak egin baino, eskola zer den azaltzen diogu. Urrian beteko ditu bi urte, eta irailean joango da eskolara lehenengo aldiz.  Eskola kanpotik erakutsi, barruan zer dagoen azaldu, amantala erosi, gelan norekin egongo den esan … horretan ari gara orain.

    Ea gero ez zaigun ahazten eskolaz hitz egiten jarraitu behar dugula.

  2. Joxe Aranzabal egilea: Joxe Aranzabal

    Hori ere eskolaz hitz egitea da, beste modu batean, etorriko dena prestatzeko. Esperientzia polita izango da, ikusiko duzu. Besarkada bat.

Utzi erantzuna Joxe Aranzabal(r)i Utzi erantzuna

Zure e-posta helbidea ez da argitaratuko. Beharrezko eremuak * markatuta daude