Atzo sei liburu erosi nituen Amazon liburu denda birtualean. Aspalditxo nituen liburuok begiz jota, eta erabaki nuen denak batera erostea, garraio kostuak merkatzeko. Hauek dira:
- GODIN, S. (2008): Tribes: We Need You to Lead Us. Portfolio Hardcover; 1 edition.
- HENDRON, J.G. (2008): RSS for Educators: Blogs, Newsfeeds, Podcasts, and Wikis in the Classroom. International Society for Technology in Education
- JARVIS, J. (2009): What Would Google Do? Collins Business.
- LESSIG, L. (2008): Remix: Making Art and Commerce Thrive in the Hybrid Economy. Penguin Press HC.
- REYNOLDS, G. (2008): Presentation Zen: Simple Ideas on Presentation Design and Delivery (Voices That Matter). New Riders Press
- WHITLOCK, W. (2008): Twitter Revolution: How Social Media and Mobile Marketing is Changing the Way We Do Business & Market Online. Xeno Press.
Amazonen saltseatzen, konturatu nintzen atal bat eskaintzen duela, Your Media Library, eta hor gorde eta sailkatzen dituela norberak Amazonen erositako liburuak. Begiratu, eta ikusi nuen dagoeneko 29 liburu erosi ditudala hor.
Amazonen erostea eroso egiten zait: behin sartu nituen nire kontu korrontearen zenbakia eta gainerako xehetasunak, eta, hortik aurrera, libururen bat erosi nahi dudan bakoitzean, nahikoa dut klik bat egitea, berriro zenbakirik sartzen ibili barik. Gainera, Amazonek txukun-txukun esaten dit zer erosi dudan, zer egoeratan dagoen nire eskaria, noiz jasoko ditudan liburuok, etab.
Garbi daukat, nire eskuetara iristen denean liburu irakurgailu dezente bat, gero eta liburu gehiago erosiko dudala Interneten.
Nik herenegun 17 liburu aukeratu nituen, horietako batzuk oso oso merke. Arazoa da kanpo liburudenda batetik erosten nituela eta beraz liburu bakoitzagatik gastuak ordaindu behar nituen.
Azkenean zuzenean erosi ditut, horietako 12, hainbeste bidaltze gasturik gabe http://www.betterworldbooks.com helbidean.
Baina bai, nik ere pila erosi ditut amazonen.
Amazon (.com eta co.uk) – komeni da
konparatzea dolar eta liberaren arteko prezio ezberdinak produktu
berberetan – ezinbesteko bihurtu zaizkit ez bakarrik liburuak, baita
DVDak erosteko ere. Ala eta guztiz ere, nik behintzat, kontuz ibili
behar dut kreditu-txartelarekin sorpresak ez izateko komentatzen
duzun moduan erraza eta erosoa delako erostea
Denaden, abebooks.com eta haren bertsio
hispanoa iberlibros.com gomendatuko nizueke bigarren eskuko liburuak
ikusi eta erosteko. Azken biak: Enric Gonzálezen “Historias
del Calcio” eta Julio Ganbaren “Sobre casi todo”
Izan ongi.
Eskerrik asko bioi informazioa partekatu eta emandako aholkuengatik. Ondo segi.
Barka nazala Julio Cambak, eta zuere ere, otoi.