Aurrera bolie!

ETAko militante ospetsuek babarrunak jaten badituzte, babarrunak jatea delitua izan daiteke, hedapenez. Txomin Iturbek aurrera bolie! erabiltzen bazuen, aurrera bolie! esatea delitua izan daiteke, hedapenez. Esapide hori ustez erabili izanagatik atxilotu nahi omen du epaile batek Iñaki De Juana, horrekin deia egin bide baitzuen borroka armatuari segida emateko.

Gure etxean betidanik erabili izan dugu aurrera bolie! esapidea, animo gisa unean uneko oztopoak gainditze aldera: gaixotasun bat dela, ezusteko txar bat, nota eskasa… Gure aita zenak erabiltzen zuen, eta guk ere erabiltzen dugu, Mondragoen mundu guztiak erabiltzen duelako. Eta ez epaile horrek eta beste askok pentsa dezaketen zentzuan.

Kontua da Txomin Iturbe ere mondragoetarra zela, eta hark famatu egin zuela esapidea beste testuinguru batean. Orain aurrera bolie! esatea delitu izan daiteke, borroka armatua goraipatzea. Horrek ez dauka ez hankarik, ez bururik, baina errentagarriagoa izan daiteke krisi ekonomikoaz berba egitea baino.

Kategoria: Sailkatugabeak Etiketak , , . Gorde lotura.

2 erantzun Aurrera bolie!-ri

  1. egilea: Gari

    Kontuz!  Athleticekoa izatea ere delitu izango da eta. Garzon detiene al Athletic de Bilbao

Utzi erantzuna Luistxo(r)i Utzi erantzuna

Zure e-posta helbidea ez da argitaratuko. Beharrezko eremuak * markatuta daude