Isiltasun handia

Badira zenbait film gure arreta pizten dutenak, nahiz eta publizitaterik ikusi ez horien gainean. Hori gertatu zitzaidan atzo, lankide bati entzun nionean Isiltasun handia dokumentalaz berba egiten. Halako indarrez azaltzen zituen filmaren gorabeherak, ze gogo itzela sartu zitzaidan berau ikusteko, nahiz eta jakin ia ez duela musikarik, ezta hitzik ere, eta bi ordu eta erdi irauten duela. Eskerrik asko, Nerea!

Kategoria: Sailkatugabeak Etiketak . Gorde lotura.

2 erantzun Isiltasun handia-ri

  1. egilea: garikoitz

    Kaixo. Autobusez nindoala, Donostiako kartel batean ikusita izan nuen dokumental honen berri. Zer izango ote zen jakin nahian interneten bilatu nuen informazioa. Baina gainontzean, ez dut ia ezer entzun honi buruz. Pena da, zerbait desberdina (eta ona, dirudienez) egiten den bakoitzean zine aretoek bizkarra ematen diote, eta Saw III bezalako pelikula (…)-ak berriz, takilako lehen postuetan egon ohi dira. Pelikula (…) hauetan publizitatean bakarrik inbertitzen delako izango dela suposatzen dut. “Bakoitzak nahi duena ikus dezala” esango nuke, baina ez dakit hau posible ote den, toki guztietan pelikula txar berdinak eskeintzen baitituzte. Donostian, dokumental hau estrenatu zen astean zine bakarrean zegoen, eta aste honetan, beste zine areto desberdin batean bakarrik dago. Gainera, koadrilako inor animatuko ez denez, bakarrik joan behar… Azkenean, e-Mule zine areto alternatiboa izan ohi da irtenbide bakarra. Bakoitzak ahal duena ikus dezala.

  2. egilea: ibai

    Batzuetan iruditzen Saw bezalako filmak gutxiesten direla soilik diren estilokoak direlako. Saw III bai, eta baita bigarren zatia ere, dirua ateratzeko grabatu dira, eta hauen kalitatea oso exkaxa izan liteke, nire ustez hala da. Baina aurrenekoa, “Saw”, oso film ona zen, istorioa ezin hobea eta ondo egina. Nire ustez.

    Isiltasun Handiari buruz, oso gutxi entzun dut filmari buruz, baina iruditu zait erlaxatzeko film bat dela. Ez dakidana da film batek, zineman ikusita, erlaxatzeko balio ote duen. Dena den, berriro diot ez dakidala ia ezer filmaz, beraz baliteke erlaxatzeaz gain istorio zoragarriren bat gureganatzea.

    Nik ez dut ikusiko, izan ere hiriburuetan bizi direnentzat nahikoa zaila izango da filma aurkitzea (Donostian ze egongo da, Trueban?), ba guretzat…!

Utzi erantzuna garikoitz(r)i Utzi erantzuna

Zure e-posta helbidea ez da argitaratuko. Beharrezko eremuak * markatuta daude