Edge aldizkariak galdera
egin die munduko zientzialari, pentsalari, kazetari eta teknologo
zenbaiti, denak goi mailakoak, Internet zelan ari den aldatzen euren
pentsatzeko modua, eta jaso ditu erantzun interesgarri askoak.
Erantzun
dute Internetek egin dituela zuhurragoak, azalekoagoak, azkarragoak, ez
hain sakonak, aztoratuagoak, ez hain sortzaileak, ukiberagoak, ez hain
ikusgarriak, altruistagoak, ez hain harroak. Esan dute Internetek
izugarri hedatu duela gure memoria, baina aldi berean egin gaituela
orainaldiaren gatibu. Alderatzen dute web globala ekosistema batekin,
garun kolektibo batekin, memoria unibertsalarekin, kontzientzia
globalarekin, geografia eta historiaren mapa erabateko batekin.
Gauza
bat da segurua: zaleak izan edo kritikoak izan, denek erabiltzen dute
Internet eta denek aitortzen dute sareak inor ez duela uzten hotzepel.
Inor ezin da bizi Wikipedia edo Google ez baleude bezala, eta denek
bizi dute bat-bateko komunikazio eta jakintza globalaren lilura.
Interesgarria iruditu zait artikulua, patxadaz irakurtzekoa.
