Aspalditik daukat etxean Dr. Jekyll eta Mr. Hyde, Robert Louis Stevenson idazlearen eleberri txikia euskaraz, eta hainbat aldiz ahalegindu banaiz ere berau irakurtzen, sekula ez naiz iritsi 12. orrialdetik harago: itzulpenak, letratipoak, eta testuaren lerroarteko eskasak atzera eragin didate beti.
Aurreko batean, berriz, Donostian nintzela, El Dr. Jekyll y Mr. Hyde ikusi nuen, Alianza argitaletxeak paratua, eta erosi egin nuen. Ostiralean hartu nuen esku artean, eta larunbaterako irentsia nuen. Atsegin handia izan dut liburu hori irakurtzen.
Lerro hauek irakurtzen dituzuenerako, Londresen izango naiz, eta aukera izango dut berriz ikusteko Soho, Regent’s Park eta beste hainbat leku, eleberrian agertzen direnak. Izan ontsa.
Aupa Joxe!
Hemen nabil, Kulturaten nire lehenengo oporrak ondo hasten. Oso ondo pasa London Cityn eta bueltararte!
Iñigo.
Aupa, Inigo! Londresen gabltza, Applen denda batean, eta iPhone batean ikusi dut zure erantzuna. Orain, berriz, Mac handi batean ari naiz erantzuten. Primeran gabiltza, egia esan, paregabeko eguraldiarekin. Zuk ere, ondo pasatu oporrak!
Tristea hainbat euskal itzulpenen maila. Irakurri dut azkenean baina berdin pasa zitzaidan niri Berriaren ekaineko nobela beltz bat irakurtzean. Ezin korforma euskara horrekin.