Josi Sierra pedagogoak hainbat elkarrizketa argitaratu ditu Hezkuntza Telebistan, horietako bi niri egindakoak maiatzaren 10ean, biok Donostian ginela, Informatikari Euskaldunen Bileran. Batean nire gaixotasunaren gainean hitz egiten dut, eta bestean komunikazioari buruz. Bietan, Alberto Agirreazaldegi ari da kazetari lanak egiten, bera izan baitzen Josi eta bion arteko zubia.
Hezkuntza Telebista
Hezkuntza Telebista & Blogak (HTB) proiektu berria eta berritzailea da, eta erakutsi nahi ditu eskolan egiten diren bideoak. Partekatu nahi ditu hezkuntzan sortu, erabili eta ikusgarri diren bideoak, eta horretarako erabiltzen ditu Web 2.0k eskaintzen dituen tresnak.
Eskerrik asko Joxe zure eskuzabaltasunagatik!
Serie oso bat egin nahi genuke zure esandakoekin, baina momentuz hiruzpalau bideotxorekin konformatuko gara, IEB07 etiketarekin.
Mila esker berriz ere
Bideoak oso interesgarriak dira. Sareak dituen baliabideak hezkuntzarako gero eta interesgarriagoak iruditzen zaizkit. Sarearekiko duzun grina igortzen badakizu, Joxe. Bejondeizula!