Azken bost asteburuotan bapo gozatu dugu musikaz Elorrion, Musikaire jaialdiei esker. Datorren hau izango da, gainera, azken asteburua aurten. Azkena bai, baina ez makala gero! Izan ere, Cibelle dator Elorriora, Brasildik etorri den izar distiratsua. Nik, behintzat, sekulako gogoa dut Cibelleri entzuteko, eta desiratzen nago gaua noiz helduko, herriko plazan lasai jarri, eta artista brasildarraren arteaz gozatzeko. Horregatik, hain zuzen, gaur ohi baino lehenago jaitsi beharko gara kafea hartzera Piponera, plaza jendez mukuru egongo baita.
Gehiago jakin nahi duzuenok, bai Musikairez eta baita Cibelle-ren gainean, Sustatun duzue informazio gehiago. Ondo segi, eta gauera arte, gonbidatuta zaudete-eta Elorriora etortzera.
