Gure amak 88 urte bete ditu orain dela gutxi. Hori dela-eta, gaur familia bazkari bat egingo dugu amaren omenez. Hemezortzi lagun elkartuko gara Esteñibar baserrian, Elorrion, amak izugarri gozatzen baitu baserri giroa.
Jende asko gara, eta horrelako bazkari bat prestatzeak buruko min handiak ekartzen dizkionez etxekoari, catering enpresa bati enkargatu diogu bazkaria. Guk mahaia prestatzea besterik ez dugu egingo. Eta bapo jan. Zorionak, ama!
