Hau bolada eskasa! Atzo Pruden Arratibel laguna hil zen. Antza denez, ospitalean zegoela miaketa medikua egiten, bihotzekoak eman, eta gorpu geratu zen, medikuek-eta ezer egin ezinik.
Hitzaro programan lankide izan ginen Pruden eta biok, Euskal Telebistan. Han denetik egiten zuen berak: kameralari, muntatzaile, errealizatzaile⦠Eta dena gogotsu eta umore onez.
Arantzazun ikasia zen gaztetxotan, eta orduak egon zitekeen hango kontuak kontatzen: Gandiaga zela, Oteiza zela, hango hozpelak neguanâ¦, eta norbera aspertzen ez hari entzuten. Hitzaro utzita, birritan elkartu nintzen berarekin, ezustean, Donostian eta Arrasaten, eta bai poz handia hartu genuela biok ere!
Pruden, adiskidea, betiko izango haiz nire gogoan. Emazteari eta alabei, patxo handi bana. Maitasunez.
