Nork ez dio, noiz edo behin, ostikada bat eman kafe makinari, dirua sartuta kaferik ematen ez duelako? Edo aspaldian tabernan musika jogailuari, ez zebilenean?
Antza denez, ordenagailuen garai jurasikoan ere, trastoa ez zebilenean, garrantzitsua omen zen leku egokian ostidaka on bat ematea makinari, berau lanean has zedin. Eta badirudi langintza horretarako botak erabiltzen zirela, boot direlakoak.
Horregatik, lehen izen bat zena, boot, gero aditz bihurtu zen ingelesez, to boot, ordenagailuari ostikada on bat ematea botekin, lanean has zedin. Gaur egun esan nahi du âordenagailua piztuâ.
Neri grazia egin izan dit beti “boot” horrek. Esaterakoan muturra estutu eta oso aurrera eramaten da. Buuuuut. Gustora esaten dan hitz hoietako bat da. Ez nekien nundik zetorren noski. Beitu ze kuriosoa, ta ze polita. Nik funtziona zedin baino, nere bi euroak itzultzeko, Timofonicako kabina batean hasi nintzen ostikoka behin, nere onetik at. Kontua zan, azken urteetan 10 bat aldiz kabina bat erabili, eta 7-8 aldiz txanpona irentsi zidala. Biderkatu nerea x nik ez dakit zenbat erabiltzaile… negozio galanta batzuk! Eskerrak sakelekoak asmatu zituzten! Patxitrapero