AEBetako presidentziarako hauteskundeak irabazi bezain laster, Donald Trumpek adierazi zuen, kargua zin egin aurretik bere seme-alabek hartuko zutela ardura Trump enpresa-taldearena, eta bera presidentzian murgilduko zela, eta ez zuela zerikusirik izango bere orain arteko negozioekin.
Orain pare bat aste, berriz, bilera batera deitu zien AEBetako enpresa teknologiko esanguratsuenetako buruei, politika teknologikoa eztabaidatzeko. Enpresariak zur eta lur geratu ziren, ikusita bilera-gelan Trumpen hiru seme-alaba zeudela, nahiz eta bilerak ez zeukan zerikusirik Trump konglomeratuarekin.
Bilera hasi aurretik, Jeff Bezosek, Amazon enpresako burua, modu onean adierazi zuen harridura, bilera-gelan presidente hautatuaren seme-alabak zeudelako, eta horrek interes-gatazka negargarria planteatzen zuelako.
Ikusita Trumpek aurrera egin nahi zuela bilerarekin, bere seme-alabak bertan segituta, honako enpresariak, beren gauzak jaso eta joan egin ziren: Jeff Bezos (Amazon), Larry Page eta Eric Schmidt (Alphabet-Google), Tim Cook (Apple), Elon Musk (Tesla eta SpaceX) eta beste sei. “Trump Interrupted” artikuluak ematen du bilera haren berri xehetasun gehiagorekin.
Euskal Herrian zenbat enpresari ausartuko lirateke horren garbi salatzera presidente hautatuaren interes-gatazka nabarmena?
