The New York Times egunkariak blog interesgarri bat dauka, Life Interrupted, eta bertan 20 urteko neska batek, Suleika Jaouad, idazten du bere minbiziaz, Suleikak leuzemia izan baitu, eta hezur muinaren transplantea behar izan zuen minbizia gainditzeko.
Suleikaren bloga oso pertsonala da, eta bertan gazte newyorktarrak denetik idazten du, eta ondo: minbizia, kimioa, maitasuna, lagunartea, antzutasuna, publikotasuna, heriotza… Ikusita blogak izan duen oihartzuna, NYT egunkariak bideo sail bat sortu du izen berarekin, irudietan erakusteko Suleikaren bilakaera. Bata zein besteak oso interesgarriak dira. Elkarren osagarri.
