Quantcast

TU Lankiden, krisiaren ondorioak

Arrasateko Mondraberri.com webgunean topatu dut gaurko berria. Bertan 2008an Mondragon Taldean izandako emaitzen laburpen bat eskaintzen du.

Hona hemen aipatu artikulua:

Mondragon Taldeak 1.800 lanpostu galdu zituen 2008an. Horietako 740 Euskal Herrian.Taldeko lehendakaria, Jose Mari Aldekoa, “ezkor” ageri da epe laburrera begira, baina baita “baikor krisia gainditzeko daukagun ahalmenagatik” ere.

“TU Lankide ” boletinak informatu duenez, area industrialak %4,9ko jaitsiera izan zuen iazkoan. Jaitsiera horiei aurre egiteko, eta nazioarteko krisialdiaren baitan, Mondragon Taldeak bi komite jarri ditu abian: Enpleguaren eboluzioa aztertzeko bat, eta bestea, beharrak dauzkaten kooperatibentzat finantzazio-bide berriak bilatu eta martxan jartzeko.

TU Lankiden, krisiaren ondorioak

(artikulu osoa galduta)

Arrasateko Mondraberri.com webgunean topatu dut gaurko berria. Bertan 2008an Mondragon Taldean izandako emaitzen laburpen bat eskaintzen du.

Hona hemen aipatu artikulua:

Mondragon Taldeak 1.800 lanpostu galdu zituen 2008an. Horietako 740 Euskal Herrian.Taldeko lehendakaria, Jose Mari Aldekoa, “ezkor” ageri da epe laburrera begira, baina baita “baikor krisia gainditzeko daukagun ahalmenagatik” ere.

“TU Lankide ” buletinak informatu duenez, area industrialak %4,9ko jaitsiera izan zuen iazkoan. Jaitsiera horiei aurre egiteko, eta nazioarteko krisialdiaren baitan, Mondragon Taldeak bi komite jarri ditu abian: Enpleguaren eboluzioa aztertzeko bat, eta bestea, beharrak dauzkaten kooperatibentzat finantzazio-bide berriak bilatu eta martxan jartzeko.

unibertsitatea eta formazio kooperatiboa

Egun on guztioi…

Honako mezua eskolan pasatako urteek emandako “ezagutzaren” ondorio da. Ez naiz ezagutza teknikoari buruz ari, edozein unibertsitatetan ematen den ezagutza horri buruz ere ez.

Gure unibertsitatearen ezaugarriak etorri zaizkit burura. Kooperatibismoaren oinarria den erakundea, kooperatibak (enpresa sozialak) aurrera eramango dituzten lagunak hezten duten unibertsitatea. Hala ere, egia da hori? Errealitatea al da?

Mondragon, Garaia eta Microsoft

Aspaldiko berria da gaurkoa, baina ez dakit nola itzuli den nire burura: Microsoft da gakoa, Ubuntu sistema erabiltzeko motibazioa. Asteleheneko logurearekin batera. Ba horixe. Ez dakit nola eta ez eta zergatik.

Baina aipatzeke utzi nuen, beharbada nire blog pertsonalean egin nuen arren, ez dakit, astelehena da. Ba horixe. Harira.

Orain dela urtebete pasatxo, goiena.net eta mondraberri.com-en (ziur naiz berrian ere azalduko zela) gure lagun Microsoft eta Mondragon Taldearen arteko lankidetza, negoziazio prozesua, hasi zela (gogoan izan elkartasunaren alde borroka egiten duen taldea dela Microsoft) irakurri nuen. Garaiara etorri behar omen dira (etorri dira jada?). Kooperatibismoa indartzeko ziur asko. Arrasateko esperientzia kooperatiboak asko ikas baitezake halako erakundearengandik.

Langile ebentualak = Kooperatibismoa?

Arrasateko esperientzia kooperatiboaren inguruko liburuak irakurri eta irakurri nabil, azkena LANKIk orain dela gutxi atera zuen liburua (La experiencia cooperativa de Mondragón, Liburu eta Argitalpenak atalean azaltzen dena).

Gaurkoan ebentualen aspektuak lantzen nabil. Izan ere, krisian ebentualak izango dira, beharbada, kaltetu nagusiak. Baina garrantzitsuak al dira? Kooperatibismoa sentitzen duen orok baietz esango du, guztiak garela berdinak. Eskubide berberak ditugula (karkarkar).

Baina, bitartean, kontseilu sozialetan soldataren jeitsiera dela eta kexaka, inguruko behin-behineko lanKIDEAK bota dituztela kontuan izan gabe. Kooperatibismoa diote. Lankidetza. Elkartasuna.

Garai onetan bakarrik? Gure poltsikoak arriskuan ez dauden bitartean bakarrik?

Badirudi krisiari aurre egiteko TRESNA baliagarriak direla, horixe bakarrik.

Badakit, egoera ekonomiko latzetan nahiko gogorra eta zaila da bazkideen lanpostuak mantentzea (lanpostuak baino, lana eta soldata), eta erabaki drastikoak hartu behar dira.

Baina zapore gazi-gozo bat ematen dit niri behintzat…

loading