Hileko artxiboak: urria 2008

Hamabost kilometroa

Lasterketa bezperak

Gaur lasterketa
bezpera bat da. Normalean horrelako egunetan biharkoan asko pentsatzen dut. Eta
lasterketak garrantzitsuak direnean (egutegiak ixa bateaz markatzen ditudan
egunak: Arrigorriagako duatloi, Lisboako ironman erdia…), orduan
garrantzitsuagoak bilakatzen dira egun hauek.

Orokorrean egun
berezi hauetan ordu erdiko bira bat ematen dut korrika eta pare bat bira 700
metrokoak lasterketa erritmora. Afaldu karbohidrato kopuru ugari eta lotara
hamarrak eta hamabiak inguru, lasterketaren orduaren arabera.

Egunean zehar ur
asko edaten dut hurrengo egunean ur falta ez sumatzeko baina hori bai, zortzietatik
aurrera gutxitu egiten dut ur kopurua gabean ongi deskantsatu ahal izateko.

Horrelakoak izaten ohi dira lasterketa bezperako egunak beraz.

Hamalau kilometroa

Utzi erantzuna

Deskonektatzen (I). Pelikulak eta liburuak.

Askotan oso
nekatuta egoten naiz entrenamendu saioak gogorrak eta segidan izaten direnean.
Normalean astean 5-6 egunetan entrenatzen dut eta 1-2 egun deskantsatzen ditut.
Egun horiek entrenamendu ikusezinak izaten dira eta garrantzitsuak dira baina
baita ere deskonektatzeko egunak izaten dira normalean.

Deskonektatzeko
kirol mundutik eta irakurri egiten dut. Asko gustatzen zait irakurtzea. Nobelak
ditut gustukoen eta ahal baldin bada euskaraz hobeto. Baina nire karrerari
lotutako liburuak ere irakurtzen ditut, argi daukat gai batzuk beste batzuk
baino gusturago irakurtzen ditudala baina nire karrera irakurtzea beharrezkoa
eta derrigorrezkoa izaten da.

Beste aukera bat
deskonektatzeko pelikulak izaten dira. Asko gustatzen zaizkit DVD-ak jartzea
eta pelikula bat hasieratik bukaeraraino ikustea etenik gabe. Horregatik
ikusten ditudan pelikula gehienak azken aldian, DVDan izaten dira.

Ikusi dudan azkeneko
pelikula Descubriendo nunca jamas izan da eta benetan diotsuet oso ederra dela
ikusteko igande arratsalde batean.

Hamahiru kilometroa

Utzi erantzuna

Normal
0
21

false
false
false

MicrosoftInternetExplorer4

/* Style Definitions */
table.MsoNormalTable
{mso-style-name:”Tabla normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}

Olarizu

Gasteizeko
eraztun berdean kokatua dagoen beste parke bat da. Honetara askotan etortzen
gara etxetik eta Mendizorrotzatik (elkargunea) hurbil baitago. Parkea ez da oso
handia korrika egiteko, baina polita da. Zelai zabal batzuk ditu azalera
handikoak eta eguraldi ona egiten duenean aproposa den leku bat da bertan ordu
batzuk etzanda igarotzeko.

Irailean izaten da erromeria jendetsua eta ohiturak dio lehenengo
gurutzera igo behar dela eta ondoren zelaietara jaitsi babarrunak dastatzera.
Oraindik ez naiz igo gurutzera baina aurten ziur egun batean goraino igoko
naiz, ez dakit mendi bizikletan edo korrika, baina igoko naiz.

Hamabi kilometroa

Utzi erantzuna

Normal
0
21

false
false
false

MicrosoftInternetExplorer4

Hostoen artean korrika

Udazkena nabari
da dagoeneko Gasteizen. Tenperaturak hoztu egin dira eta bideak zuhaitzen
hostoz bete dira.

Armentiara joan naizenean azkenengo pare bat alditan asko gustatu zait
aurkitu dudan paisaia parkeko zonalde batzuetan. Batez ere zuhaitz guneetan
gertatu izan zait bidea ez zela ikusten eta soilik hostoz betetako alfonbra
baten gainean nindoala korrika. Hori urtean zehar gutxitan gertatzen da eta
sinets iezadazue gozagarria dela horrelako situazioen aurrean aurkitzea.

Hamaika kilometroa

Utzi erantzuna

Kafea

Hori da normalean izaten dudan ohitura lasterketen aurretik. Dortsala jaso ondoren lasterketa herriko tabernaren batean kafe hutsa eta bero bat artesa. Ondoan beti, noski, ur botila batekin. Kafeak sortzen duen deshidratazioa konpentsatu egin behar baita ura hartuz.

Oraindik ez daukat garbi maratoiaren egunean kafea hartuko dudan, hori nire prestatzaileari komentatu behar diot. Baina ikusten dut nire burua Anoeta estadioko ondoko hotelean, guraso eta lagun batzuez inguraturik goizeko zazpiretan kafe bat hartzen. Benetan irudi polita da burura etortzen zaidana eta espero gauzatzea.

Hamar kilometroa

Utzi erantzuna

Urte bat, film bat

Hamargarren
kilometrora iritsi naiz eta erregalo edo sorpresa bezala meme bat oparituko
dizuet Demonocrazy blogariari erantzunez. Beraz hemen nire filmen aukeraketa.
Urtero bat, jaio nintzenetik gaur arte (Oso zaila egin zait zerrenda egitea, ez
baita erraza aukeratzea urte horietako pelikularik onena, ez baititut denak
ikusi).

1986. El color del dinero.
1987. Robocop.
1988. Coctail.
1989. Indiana Jones y la última
cruzada.
1900. Ghost.
1991. Mi chica.
1992. Sister Act.
1993. Jurassic Park.
1994. Speed.
1995. Braveheart.
1996. Jack.
1997. La vida es bella.
1998. American history X
1999. La milla verde.
2000. Casi famosos.
2001. Ocean´s eleven.
2002. Gangs of New York.
2003. Good bye Lenin!
2004. Diarios de motocicleta.
2005. Batman begins.
2006. Un buen año
2007. Piratas del caribe: en el fin
del mundo.

2008. 21: Blackjack.

Bederatzi kilometroa

Utzi erantzuna

Goma zuria, goma gorria

Apirilaren 13an
Arrigorriagan izan nintzen Euskadiko duatloi distantzia luzeko txapelketa
jokatzen. Bertan nire kategorian hirugarren sailkatu nintzen eta han korrikako
bigarren zatian, bi bira eman behar ziren parke bat, bi goma eman zizkidaten
buelta bakoitzeko. Bata gorria eta bestea zuria. Harrezkero ez ditut kendu eta
egin ditudan lasterketa guztietan eta eguneroko bizitzan denbora guztian
gainean eramaten ditut.

Ez dakit nire paranoia bat izango den ala bitxikeria bat soilik baina
harrezkero suerte handia izan dut eraman dudan bizitzan eta ez ditut kendu. Eta
denbora asko igaroko da kendu arte. Beraz jakin ezazue maratoia goma horiekin
egingo ditudala eskumuturrean eta gorria eta zuria Athletic taldeko koloreak
izan arren horrek gutxien axola zaidana da. Behin baino gehiagotan esan
didatelako talde horretako koloreak direla eta nik urdina eta zuria eraman
beharko nituela, baina horrek, berriro diot, gutxien axola zait.

Zortzi kilometroa

Utzi erantzuna

Bidaiak

Bidaiatzea asko
gustatzen zait. Lasterketetara ere asko gustatzen zait joaten batez ere
lagunekin. Lasterketen parte direlako eta bidean ongi pasatzen dugulako. Bidaia
guztiak dira ezberdinak eta orokorrean politak eta dibertigarriak izaten dira. Batez
ere egun horretan elkartzen garelako aspaldiko partez eta hamaika kontu
ditugulako esateko. Barre ugari botatzen dugu, gai ugari ukitzen ditugu. Hasi
kiroletik, politikatik igaro ostean pixka bat (beti ere giro itzelean eta
haserretu gabe noski) eta etorkizuneko planak egin arte.

Ziurrenik bueltak
izaten dira gogorragoak joanak baino. Lehiatu ostean nekatuta gaude, berandu
izaten ohi da, gogo asko izaten dugu etxera iristeko… Baina ezin naiz kexatu
egiten ditudan bidaietaz lagunekin.

Donostiara oraindik ez dakit nola joango naizen. Ziur gurasoak ikustera
joango direla baina oraindik ez daukat garbi trenean joan Zumarragatik edo
autoan joan Donostiaraino gero arratsaldean Gasteizera joateko zuzenean. Hori
oraindik pentsatzeko daukat.

Zazpi kilometroa

Utzi erantzuna

Salburua

Gasteizeko parkerik politenetakoa. Hiru aldiz joan naiz bakarrik horra korrika egitera, arrazoi nagusia nahiko urrun daukadala etxetik. Ordu laurden batera gutxi gora behera.

Ederra da paraje horietatik korrika egitea. Atzo izan nintzen. Goizeko hamaiketan irten nintzen etxetik eta aspaldiko partez hotz egiten zuen!!! Nire klima gustukoena baina hala ere aldaketa hain handia izan da ez zitzaidala asko gustatu bapateko hotz hori. Baina hala ere korrika oso gustura egin nuen. Hain gustura bi aldiz egin behar izan nuela bira Salburuan bide beretik joateko galdu egin bainintzen baina hori gutxienekoa da.

Gasteizen bazaudete eta aukera baldin badaukazue parke hau bisitatzeko eta bertan pasio zoragarri bat emateko (parkeko birarik handiena sei bat kilometrokoa izango da), ez ezazue galdu aukera leku zoragarri honetara joateko.

Sei kilometroa

Utzi erantzuna

Bakardadea

Hori da maratoi bat prestatzerakoan ematen duen sentsazioa baina ordutik gorako entrenamenduetan hainbeste gauza pentsatzen dira…

Hasteko proiektu hau hasieratik beste bi pertsonekin egin behar nuen eta horrela entrenamendu luzeetan konpainia ederrean joango nintzen baina bi pertsona horiek ez zuten nahi izan proiektu honetan hasi. Beste helburu batzuk zuten eta nik erabaki hori guztiz errespetatu nuen, gainera beraien animoak jasotzen ditudala esan beharra daukat. Beraiek gabe korrikalari bezala eta pertsona bezala desberdina izango nintzateke. Horietako bat azken aldi honetan lesionatu antzean ari da eta euskal blogosferako txoko txiki honetatik nire animo guztiak lehen baitleheen errekupera dadin: Animo Aingeru!!! Bigarren pertsona badakit Behobia egingo duela. Espero inoiz baino hobeto egin dezala. Suerte Ruben Behobia-Donostian herri lasterketan!!!

Beste alde batetik ez nago bakarrik. Askotan bai bakarrik entrenatzen dudala. Orduak iragatzen ditut bakartasunean baina inoiz baino talde handiagoa daukat inguruan. Alde batetik familia daukat. Gurasoak, arreba, koinatua, iloba… guztiak laguntza morala ematen didate. Amak inoiz baino gehiago zaintzen nau, asko argaldu baitut azkenengo hilabete eta erdian eta jaten ematen dit sendo gainera. Gero korrikako taldea dago. Inor ez animatu arren maratoia egitera beraiek ere korrika egiten dute eta entrenamendu batean edo bestean nirekin joaten dira korrika egitera. Unibertsitateko eta herriko lagunak. Beti galdetzen didate nola nagoen eta horrek poztu egiten dit.

Izen asko dira aipatzearren baina hemen doaz batzuk: Cayetano, Luisa, Alaia, Joxemi, Mario, Saioa L., Saioa F., Javi, Ruben, Aingeru, Leire U., Mikel M., Alfredo, Leire Ñ, Marina, Sara, Leire J., Jabi, David… Guztiak ez ditut aipatu, baina jakin ezazue beti gogoratuko naizela zuekin.