Hileko artxiboak: iraila 2006

Albistegiak

Telebista aldatzen ari da. Kanal berriak jaiotzen ari dira eta lehia nork lortu audientzia handiena inoiz baino gogorragoa da. Baina gauza bat ez da aldatu denbora igaro arren, albisteen tarteetan ari naiz.

Normalean hiru edizioetakoak izaten dira: goiz, eguerdi eta gaua. Baina azken urteetan badirudi goizekoak indarra galduz joan dela eztabaidei lekua utziz eta gabekoak sekulako indarra hartu duela.

 Logikoa da gabekoak indarra  hartu izana. Gusturago ikusten dugu egunean gertatu dena, bezperan gertatutakoa baino. Hori logikoa deritzot, gaur egun bizi garen garaian, azkartasunak eta abiadurak garrantzi handia duena, iazko egunean gertatutakoak garrantzia segituan galtzen duelako.

 Gainera kate gehienetan ia guztiek emisio ordua antzeko dute.Gehienez ere batetik bestera ordu erdikoa izaten da aldea edo asko jota ordubetekoa. Askotan bi albistegi desberdin ikusteko aukera izan ohi dugu, eta muturreraino joaten bagara hiru arte ere begira dezakegu.

 Berritasun ugari eta emakumeak buru

 

La Sexta katea izan da azkena bere albiste tartea estreinatzen. Azpimarratzekoa hiru emakume jarduten dutela berriemaile bezala (Mamén Mendizabal, Helena Resano eta Cristina Villanueva).

 Nik gustuko dut albistegi hori.Gainera egin duten iragarki kanpaina nahiko ona deritzot: “gustatuko litzaiguke politiko bat taberna batean sartzea…” edo “gustatuko litzaiguke etxegile bat etxebizitzen zozketa batean parte hartzea…”.

 Uste dut bere lemak bete betean jotzen dutela katearen filosofiarekin: “Beti kaletik gertu”. Oso kritikoak dira, eta hori asko eskertzen da.

 Azpimarratzekoa da baita ere Wyoming handiaren fitxaketa. Gabeko albistegiaren ondoren izaten du tartea, errealitatea ikuspuntu desberdin batetik ikusteko aukera dugu, eta aldi berean komunikabideek duten gudari buruzko informazioak ematen dizkigute.

 Telecinco

 Harrituta utzi ninduen beste albistegi bat da. Orain dela hilabete batzuk kazetari batek berri bat zabaltzen ari zen aldi berean kaleko pertsona bateri elkarrizketatu zion.

 Sorpresa izan zen niretzat ekintza hura, horrekin kateak adierazi nahi zuelako kaleko pertsonen gertu egon nahi dutela.

Plazaola

Igandean Andoainera noa bizikletarekin. Bertan Plazaolako natur bidetik barrena ibiliko gara Lekunberriraino. Hala ere hiru ibilbide daude antolatuta: aipatutako lehena (luzeena dela), bigarrena Leitzatik hasita Lekunberriraino 15 kilometrotakoa eta azkena txikientzat herrian bertan 4 kilometroko ibilbidearekin.

Ekintza potoloa antolatu dute Plazaolako partzuergo turistikokoek. Aldi berean Plazaolako lehenengo maratoi erdia ere jokatuko da, proba lehiakorra izango dena. Uste dut jende ugari hurbilduko dela egun horretan bai animatzera baita parte hartzera ere. Hedabide guztietan agertzen ari baita egunero eta aldi oro. Nik, orain dudan sasoiarekin, 40 kilometroko ibilbidea aukeratu dut egiteko. Korrika ez dut batere egin uda osoan, baina laster hasiko naiz lasterka entrenatzen.

Agian datorren urtean egingo proba korrika, baina oraingoz bertan behera utziko dut maratoi erdi hori, Behobia-Donostiakoarekin ere ez dut egingo. Ez naiz gai ikusten orain entrenatzen hasita proba luze horiek egiteko. Nire denboraldiko lehenengo proba Gasteizeko herri krosa izango da, datorren hilabetearen hasieran.

Beraz blog honetatik animatzen dizuet igandean Lekunberrin antolatu den jaialdira animatzera joateko. Bertan ikusiko gara!!!

Aiegiko jaiak 06

Igandea goizeko 11ak. Dani Pedrosak hirugarren lortu du izatea Malasiako Motoetako Sari Handian. Ardantzeko kirol gunean genuen zita. Zertarako? Jurramendira bizikletaz igotzeko.

Aiegiko 2006ko jaien barruko egitarauan lehenengo aldiz egiten zen ekintza bat. Aitak eta biok ados jarri ginen joateko zurrumurru asko jaso baitziren aurreko egunetan. Lehiaketa izango zen, erlojuz kontrako igoera bat… Baina azkenean mendi bizikleta martxa izan zen, helmugan luntx zoragarri batekin.

Nire zorionik beroenak Saltamontes mendi bizikleta taldekoei beraien burutazioarengatik. Eta datorren urtean ahal badut berriro ere parte hartuko dudala ziurtatuta daukat. Bai lehiaketa izanda baita martxa bat izanda ere.

Oporretan gora eta behera

Ezin naiz kexatu (asko). Orain dela aste bat lanean nengoen igerilekuan sorosle bezala. Ez zuen hainbeste bero egiten eta jende ugari ere ez zegoen. 30eko arratsaldean hasi nituen hain gogoko eta merezita nituen oporrak.

Aste osoan zehar gora eta behera ibili naiz. Gaur esaterako Gasteizen nengoen goizean, Lizarrara joan beharra izan dut pare bat gauza egitera eta Oñatira etorri naiz familia bisitatzera.

Gora eta behera goiz osoan zehar. Arazoa da autoak ez duela aire egokiturik. Eguraldi honekin bidaiak izerdi patsetan igarotzen ditut. Baina nik bizitza alde onetik begiratzen diodanez, zortea dudala pentsatzen dut, beste batzuek oraindik ez dutelako automobilik.

Bihar ere antzerako eguna izango dut. Gasteizera igo behar naiz bizikletan entrenatzera, aste bukaeran 24 orduko proba bat dudalako. Zorionez han geratuko naiz gaua igarotzera.