Etiketaren artxiboa: musika

Motibatzeko teknikak (III):animoak aupatzeko gai den musika

Utzi erantzuna

Normal
0
21

false
false
false

MicrosoftInternetExplorer4


/* Style Definitions */
table.MsoNormalTable
{mso-style-name:”Tabla normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}

Bi aste noa serioski entrenatzen azaroaren
bukaeran edukiko dudan erronkarako begira. Donostiako Maratoia, 42 kilometro
luze, hiru ordutik gorako esfortzua… Lasterketan noanean edo entrenamendu
luzeetan ez zait ipod-a edo mp3a entzuten joatea gustatzen. Horrelakoetan
nahiago dut nire pausua entzun eta nire barrenean dagoena buruan jira eta bira
ibili, eta noski lagun batekin baldin banoa berba egitea asko gustatzen zait,
hori ondo noanean, txarto banoa ez dudalako berbarik egiten (barreak).

Baina etxetik irten baino lehenago askotan
musika entzuten dut gorputza animatzeko eta motibatzeko. Eta animoak baxu
daudenean ere kantu zehatz batzuk jartzen ditut bizipoza ematen didatenak. Horra
ba lista labur bat:

  • Eye of the tiger eta Gonna fly now. Rocky
    pelikuletako kantu nagusiak, hauek entzuten bat ez bada motibatzen ez da
    ezerekin motibatuko.
  • One world, one dream. Olinpiar jokoetako kantua.
  • Viva la vida. Coldplay taldeak egindako kantua eta TVE erabili zuena bideo
    ikusgarriak prestatzeko Conexión en Pekin saioan.
  • All these things that I´ve
    done    . The Killers taldea. Nike erabilitako kanta
    bere azkenengo iragarkietako batean.

**BTR**

Kanona gora, kanona behera eta jamendo

Utzi erantzuna

Egun hauetan modan jarri denean kanona,
Jamendo web gunea ezagutzeko aukera izan dut. Benetan interesgarria interneteko
atari hau. Aukera ematen digu musika dohain jaisteko eta entzuteko.

Bertan hamaika musika mota entzun eta jaitsi
daitezke. Eta gustura bagaude entzundakoarekin taldeari edo abeslariari nahi
dugun diru kantitatea eman. Kulturari eta arteari azken finean ezin zaio prezio
bat jarri.

Horrelako alternatibak oso ondo ikusten ditut
boteretik egiten duten abusuei aurre egiteko. Gora Jamendo.

Bruce Springsteen gurean

Utzi erantzuna

Hemendik ordu gutxitara Bruce Springsteen kantariak bere lehen kontzertua emango du Euskal Herrian historian lehen aldiz. Zoritxarrez ez dut aukerarik izango Barakaldora hurbiltzeko, gogoratu sarrerak ordu erdian agortu zirela.


Horregatik ostegunean saiatu egingo naiz datorren urteko uztailean Boss jaunak emango duen Bartzelonako kontzertuko sarrerak lortzen, Tic Tac Ticket web gunearen bitartez. Ea oraingoan zorte gehiago dudan, hala ere badakit zail izango dudala nire helburua betetzea milaka zalek ere berdina egiten saiatuko direlako.


Eta eroa badirudi ere, bart gauean TVEak emandako erreportaje berezia ikusi dut, Bruce Springsteen Magoa. Aurretik berotzeko ETB1ean hainbat bideoklip eman zituzten Bruce Springsteen-en zuzeneko batzuena. Izugarria Palau Sant Jordin bizitakoa orain dela urte batzuk. Zorionez DVD hori badaukat etxean eta nahi adina aldiz gozatu dezaket egun hartaz. Guztia kontzertura ezin joanaren arantza kentzeko egin nuen. Badakit ordu txikiak zirela, baina klaseak hamabitan edukita eta jakinda horrelako erreportaiak gutxitan ematen dituztela telebistan, aukera aprobetxatu behar nuen.

Biharamuna

Utzi erantzuna

Atzoko bi gertaera Bilbo inguruan zapore
mikatza utzi digu euskaldunoi. Lehenengoa ETAren atentatua, horri buruz aipamen
txiki bat egin nahi dut blog honetan, ez delako gai bat albo batera utzi
daitekeena. Atzoko erasoa PSEko bizkartzain bateri gaitzetsi beharra dago
indarra ez delako bidea gauzak lortzeko. Horregatik blog honetatik eskatu nahi
dut utzi dezagula alde batera biolentzia eta has gaitezela hitz egiten guztiak
guztiekin. Gatazka konpontzeko entzuten jakin behar da eta bi aldeetatik ekintzak
egin behar dira.

Beste gertakaria, ez dena atentatuarekin
konparatu behar inola ere eta beste maila batean ikusi behar dena. Gainera,
aldi berean, notizia ona izan daitekeena batzuentzat eta aukera galdu bat
besteentzat: Bruce Springsteen-ek emango dituen kontzertuan sarreren agorpena
izan zen.

16.000 sarrera ordu eta erdian. Horrek esan nahi duelako Euskal Herrian
jarraitzaile ugari dituelako The boos jaunak. Eta beste alde batetik, gutxi
batzuek gozatuko dute magiaz beteriko gau batez. Horiei, nire zorionik beroena
sarrera lortu izanagatik. Eta besteoi esan, ni bezala seguruenik beste
aukeraren bat izango dugula Bruce Springsteen ikusteko.

Ruper Ordorika Lizarran. Gogoeta batzuk.

Erantzun 1

Gaur amaituko da Lizarran Erdi Aroaren astea.
Astelehenetik hasita igandera bitartean hamaika ekintza antolatu ditu Lizarrako
Merkataritza Elkarteak. Ni asteazken gauen egon nintzen hauek antolatutako kontzertu
batean, Pedro Deunaren auzoan. Bertan hamarretatik aurrera aritu zen Ruper
Ordorika bakarlari oñatiarra. Aurreko gauen leku berean talde irlandar bat jotzen
egon zen eta ostegunean mundu osoko musika biltzen zituen beste talde bat.

Hasteko esan behar da Lizarra iri zail bat
dela euskararentzako. Nafarroako eremu mistoan egon arren, lehen hizkuntza
erdara da. Leku gehienetan erdaraz atendituko dizute, eta kanpotik etortzen den
jendea askotan ohitura du erdaraz egitea bertakoekin euskaraz haste baino
elkarrizketak. Beraz kontzertu bat ikustea euskaraz oso noizbehinka suertatzen
da, soilik jaietan txosnetan batzuetan eta Lizarrako Ikastolak antolatutako
kontzertuak. Baina, azken urte hauetan harrigarria badirudi ere ekintza
desberdinak gauzatu dira euskararen erabilera bultzatzeko (Lizarra Oinez,
Iratxeko kanpinaren irekiera, Euskara Elkarte berri bat sortu izana, Korrikak
duen oihartzuna bi urtean behin igarotzen den bakoitzean hiritik…). Hala ere,
Lizarrako biztanlegoaren gehiengo handi bat erdalduna da. Ruperren kontzertu
hortan gehiengoa euskaraz bazekin jendea zen baina gutxiengo bat ere bazegoen
euskaraz ez zekiena, besteak beste egitaraua aire librean zelako eta dohainik publiko
guztiari irekia (eta askok badakigu nolakoa den jendea gauzak dohain izaten
direnean, ejem, ejem). Horregatik ere Ruperrek azalpenak erdaraz eman zituen erdaraz
zekitenenganako errespetua erakutsiz. Tarteka hori bai, euskarazko esaldiak
tartekatzen zituen emandako azalpenetan.

Asko harritu ninduena beste alde batetik
jendearen jarrera izan zen. Askoren errespetu ezari artista bat lanean ari denarekiko
hain zuzen ere. Jende asko berbetan ari zen, elkarrizketa ugarik zurrumurru
handi bat sortu zuten, benetan joan zen jendeari asko molestatuz. Pertsona
horiek taberna batera hobeto zuten joatea kafe bat hartzera eta esateko zutena
hor botatea.

Beste alde batetik kontzertua oso ona izan
zen. Eszenategi gainean kantaria gitarra batekin lagunduta eta ondoan
kontrabaxua. Bezperan Ordorika Gasteizko jazzaldian egon zen. Irakurri
dudanaren arabera soilik hiru abesti jo zituen (denbora laburra egon zen
Berriako kritikoaren iritziz). Baina Lizarran bere azken diskoaren aurkezpena
egin zuen, Memoriaren mapa, ordubete pasatxoko kontzertu batean. Bukatzeko
kantua: Hiriak. Diskoko kanturik komertzialenetako bat baina hala ere bertako
idazle batek egindako letrak dituela sumatzen den abesti bat. Eta bisean bi
kantu jo zituen, azkena bere azken aurreko lanean argitaratutako Zaindu maite
duzun hori. Disko horretako lehen singel-a. Hori gauzatu eta gero txalo
zaparrada erraldoi batek bete zuen plaza.

Eskertzekoa da Lizarrako Merkataritza Elkartekoek egindako ahalegina
halako kantari bat herriari hurbiltzeko. Publikoari kultura dohain eskaintzea
oso aukera gutxitan gauzatzen da eta horiek aprobetxatu egin behar dira. Hortan
datza nire ustez kulturaren aberastasunaren ardatzetako bat, gero eta jende
gehiagori zabaldu behar zaio kultura.

Musika talde bat bihotzean

Utzi erantzuna

Bizitza gauza askoren bitartez deskribatu dezakegu. Horretarako baliabide anitz erabiltzen ditugu, momentu historikoak (jende askok erabiltzen ditu ekintza historikoak bere burua kokatzeko) edo musikaren eboluzioa norberarengan (gustu musikalak jasan duen garapena denbora igaro ahala).

Red Hot Chili Peppers talde amerikarrak markatzen ari nau azken hilabete hauetan. Lehenagotik eragin zidan. 2002ko udan Zarautzera joan gienen egun batean Getaria-Zarautz igeriketa zeharkaldian lehiatzeko helburuarekin.

Igeriketa zeharkaldi hori Euskal Herrian ospatzen direnen artean garrantzitsuena dela esan daiteke, Tourra bezala kontsideratu daiteke igeriketa munduan. Sari ugari, maila altua, ibilbide gogor eta polita…

Giro izugarri horren barruan sartuta momentu bat dago igerilariok autobus bat hartu behar dugula Zarautzetik irteera punturaino joateko, Getariako portura. Autobusera igotzen garenean hasten gara ohartarazten egingo dugun balentriaz.

Urte hartan By the way kanta irrati guztietan entzuten zen eta autobusera igo nintzenean single hori entzuten zen bozgoragailuetatik. Motibatzeko balio izan zidan momentu hartan.

2006an bere azken lana aurkeztu zuten, Californication bilduma. Talde hori entzuten dudan bakoitzean uda eta egun hura gogoratzen dut. Garai eta oroitzapen onak aurrera egiten laguntzen didatenak.

Gaur egun oso gustura entzuten ditut talde honen kantak eta jatorrak dirudite. Pozez hartu nuen Guggenheim Bilbo museoan egingo zutela diskoaren aurkezpenaren berria. Gainera barre galantak bota nituen kazetariekin hika mikak izan zituztela entzun nuenean.

Durangoko Azoka 2006

Utzi erantzuna

Ostegun arratsaldean Durangoko azokan izan
nintzen. Bigarren urtez joan nahiz eta aurten ere primeran pasatu dut.
Lehenengo aldiz kotxez joateko aukera izan dut, eta esan beharra daukat herrira
gerturatu alazbat, nabaria dela azokaren eragina.

Sarreran trafikoa handia zegoen eta edozein
lekutan aparkatzearekin konformatu behar izan nuen. Ez nuenez dirurik aske gune
urdinetik aldentzea erabaki nuen eta hilerrian aparkatzeko erabakia hartu nuen.
Ordu batzuetara nire lasaitua hartu nuen jakinda herriko poliziak isunak jarri zizkiela
gaizki aparkatu zutenei eta ez zutela infrakzio bat bera ere barkatu.

Azoka urtero haziz baino, egonkortzen doala
esan daiteke. Sentsazio ez da jendea denbora pasa doala azokara, euskal kultura
ikustera baizik: nobedadeak, idatzi dena, gehien entzuten dena…

Erosketa helburu batzuekin joan nintzen, baina
argi dagoen bakarra da liluratuta bukatzen duzula hainbeste eskaintzaren
aurrean eta dirua oso azkar joaten dela eskuetatik. Berria-ko estilo liburua,
Iban Zalduaren Etorkizuna eta Boltxe aldizkariko zenbaki batzuk erosi nituen.

Gainera Durangora hurbiltzen ari nintzela
Euskadi Gaztea entzuten Ibaizabal ikastolakoek egutegi bereziak saltzen zutela
aditu nuen (azken aldian modan dauden egutegi biluzi horietako bat),eta
badirudi ez zutela zorte handirik izan salmentekin. Horregatik eta badakidalako
zer den gaizki pasatzea proiektu bat aurrera ateratzeko, nire laguntza eman
nien halako bat erosiz.

Datorren urtean berriro itzuliko naiz, uste
dut ohitura hartuko dudala urteko zubi honetan kanpora joan beharrean Durangora
hurbiltzeko.

Kontzertua Oteizan

2 erantzun

Pasa den larunbatean Oteizako herrian egon nintze kontzertu batean. Alde batetik Raperos de Emaus eta bestetik Flitter . Ekitaldia Oteizako denetariko antzokian izan zen. Musika kalitate ona entzuteko aukera izan nuen aspalditik. Raperos de Emaus ez da oso talde ezaguna. Dj baten laguntzaz publikoa girotzeko dohainak dituzte. Baladak oso pertsonalak izaten dira, beraiek adierazten duten bezala, beren erara egindako amodiozko kantuak dira.

Kantu gutxi dituzte oraindik, baina Baranaingo laukote gazte honek rap musika gure artera hurbiltzeko gaitasuna dute.

Flitter talde ezagunagoa da gure artean. Nork ez du ezagutzen Besos de Marihuana abestia. Musika gogor bat lantzen dute, eta aldi berean publikoarekiko lotura estua duena.

Hitz gutxitan laburbiltzeko: berriro hurbilduko nintzateke horrelako musika saio bat ikustera. Oso ondo igaro nuen gaua bi talde hauek entzuten.

Oñatiko txosnak 2005

Erantzun 1

Berriro gozatu dut musikarekin zuzenean. Bart gabean Oñatiko jaietako txosna gunean. Sorkun bakarlaria egon zen.

Asko gustatu zitzaidan emandako kontzertua. Lagun asko elkartu ginen eta bat baino gehiago gustura joan ginen etxera. Kantu melankoliatsuak, kantu biziak… Errepertorio zabal bat erakutsi zuen neska bakarlariak. Gainera bere dantza exotikoak txundituta utziko zuen baten bat. Hasiera batean gabardina gorri batekin, eta giroa berotzen joan zen heinean gabardina bere gorputzetik joaten hasi zen. Azkenean gabardina gabe bukatu zuen kontzertua eta lehenengo kantuaren erritmo berarekin, bizi-bizirik.

Eskerrik asko Sorkun. Kontzertu izugarria izan zen atzokoa.

Meritu handiko neska.

Txundigarria iruditzen zait lagun honek egin eta egiten jarraitzen duena. Bakarlaria da, euskalduna da eta gainera neska da.

Denok dakigu ezaugarri hauek duen jendea, oso gutxi dela. Nik ez dut horrelako neska bakarlaririk ezagutzen, gehien jota talde batean joten duen bakarlaria (hauek ere beren meritua badaukate). Azken aldiz ikusi nuenean neska bat taula gainean Klorofilako kontzertuan izan zen, Oñatiko jaietan ere.

Betidanik lotu dugu musika euskalduna genero maskulinoarekin. Sorkuneri esker hori aldatzen ari da.

Musika irratian

Utzi erantzuna

Bizi garen egunetan, irratia komunikabiderik onena bihurtu zaigu, internetekin batera. Albisteak zuzenean emateko gai den komunikabide bat da, eta gainera aniztasun handikoa. Arreta jarri ezkero gauza interesgarriak, dibertigarriak… entzun litezke. Musika kate ugari daude. Horrek musikaren aniztasunera eramaten gaitu. Hamaika kate daudenez, hamaika musika entzun daiteke. Gure musika ezagutzak ireki dezakegu. Niri asko gustatzen zait Euskadi irratia. Batez ere euskal musika entzun daitekeelako. EITB ere ondo dago baina batzutan oso astuna egiten zait. Kiss FM-rekin ere beste hainbeste, hala ere, euskal musika ez dute ematen. Eta Los40 atsegin dut, baina denbora tarte txikietan eta momentu konkretuetan entzuteko.

Irratiak duen onena, edozein tokitan eta edozein momentutan entzun daitekeela. Esaterako, nik uda honetan lanen ordu gehienak irratia entzuten igaro nuen. Bakarkako lan batean asko eskertzen da ahots alaiak entzutea.

Interneti esker, gaur egun mundu osoko musikak eta irratiak entzun ditzakegu.Horretarako niri asko gustatzen zait Winamp programa. Gainera Cd eta MP3 erreproduktorea da.