Potato ska reggae talde patateroak gaurko joko du Bilboko Kafe Antzokian bere azken kontzertuetarikoa.
Potato, Euskal Herriko ska bandarik zaharrenak, kriston jaia antolatu duenez, eta berriz ikusteko aukerarik izango ez denez, gaurko giroa aparta izango da, beraz gaur ostirala 30, gaueko hamarretan nora joanez primeran pasako duzun badakizu!
Augustus Pabloren saioa azkenean interneten! Kostata, baina azkenean gaur aurkezten dizuet Bilbo Hirian orain dela aste batzuk emititutako Kingston Hiriko Augustus Pablo protagonista bezela zuen saioa.
Historiako Melodika jotzailerik apartena da Augustus Pablo eta abezti goxo goxoak egin ditu instrumentu horri esker reggae erritmoak jarraituz.
Augustus Pablo hil zen, ezin izango dugu Bilbon zuzenean ikusi, baina utzi digun ondarea ikaragarria denez saio honekin omenaldi txiki bat egin nahi izan diogu.
Groundation reggae taldearen kontzertua ikustera joan nintzen atzo gauean Santana 27 aretora. Groundation Californiako banda bezela aurkezten den arren, koruko bi abezlariak Kingston Jamaikan jaioak dira eta bateria jolea Palestinan.
Asko arritu ninduen Slim abezlariaren ahots eta indarrak, eta Santana 27 aretoa bete beterik ez zegoenez dantzatzeko toki perfektua bilakatu zen Groundation taldearen kontzertua.
U Roy Bilbora datorrela dakidanetik, urduri nago. OLD SCHOOL – NEW
RULES diska berria aurkeztera dator, eta azken diskatik,abezti bakar baten zati bat
bakarrik entzun ahal izan badut ere, izugarri gustatu zait U Roy-ren
lana eta orain lehen baino gogo gehiago dut Otsailaren 24a heldu dadin.
 |
Hauxe de OLD SCHOOL – NEW RULES diskatik aterata, behin eta berriro entzuten ari naizen U Roy-ren abezti zatia. | |
Munduko singjay-rik onena dudarik gabe: U Roy.
U Roy laister Bilbon izango dela dakidanetik, Otsailaren 24a noiz
helduko den irrikitan nago. Kingston Hirian U Roy da gure abezlari
gogokoenetarikoa, eta noski gure lehen saioetariko bat U Roy-ri
dedikatua zen.
Oraindik blogean, podcast bidez lortzeko aukera jarri gabe zegoela
ohartu naiz eta noiz orain baino hobeto saio hura berreskuratzeko eta
denok U Roy-ren maisutasuna gozatzeko. U Roy zuzenean entzuteko
abezlaria da, hor sentitzen bait da bere abezteko abilezia eta gorpuak
mugitzen jartzeko gaitasuna.
Fermin Muguruzarekin aritu zen azken diskan Jamaikara grabatzen
joandakoan, eta orduan Ferminekin batera Euskal Herrian kontzerturen
bat emango zutelako susmoa banuen ere, azkenean U Roy, Junior
Murvin-ekin dator. Zer gehiago eskatu daiteke!
Gaurko saioko protagonista Lee “Scratch” Perry da.
Coxonne Dodden aginduetara nahasketa mahaian hasi zen the Upsetters bandarekin batera.
Ondoren Joe Gibbs ekoizlearekin grabatu zuen, beranduago bere Black Ark estudioan Jamaikako artista onenekin eta beranduago Mad Profesorekin. Reggae eta Dub-aren maisua da Lee Perry. Lee Perry-ren saioa entzun
The Gladiators taldeari buruzko saio hontan Albert Griffits bere
hasierako taldekideekin eta azken urteetan bere semeekin abeztutako
kantak entzun ahal izango ditugu.
Orain dela gutxi Bilbon zuzenean izan
ondoren, The Gladiators taldearen homenezko saioa egiteko momentua
heldu da, gozatu itzazuela abezti puxka ikaragarri hauek: The Gladiators-en reggae saioa
PD: Kostipadu ahotsa daukat saio hontan… 🙂
“Eek a mouse” abezlari Jamaikarraren zale amorratuak gara Kingston Hirian, 2004 ean Bilbo Hiriko lehen monografikoetarikoa Eek a Mouse abezlariari buruzko saioa izan zen.
Orduan, ez genuen blogik, eta saioak ezin genituen interneten edozein momentutan entzuteko moduan eskuragarri jarri. Horregatik saio hura berreskuratu dugu, orduan Eek a mouse ezagutu ez zuenak, bere abezteko modu bitxia entzuteko beste aukera bat izan dezan. Eek a mouse-k reggaea uztartzen duen arren, bere abezteko moduak ez du parekorik.
Reggae ekitaldi oso ona prestatu dute Lleidan datorren 18/11/06- rako. Ky-Mani Marley egongo delako alde batetik, baina batez ere The Magic Txesty & Kemen Selectah izango direlako urte guztietako Jamaikako abeztiak aukeratuz, giro alaitzen.
Kemen Selectah izan zen 2004ean Kingston Hiria, Bilbo Hiria 96.0FM irratian martxan jarri zuen artista. Bartzelonara lan bila bizipen bila joan zenean, reggae musika diska guztiak besapean eraman zituen, eta ordutik hona lagunen arteko hainbat jai girotzen aritu da DJ bezela bere sound systemarekin. Ea laister Euskal Herrian The Magic Txesty & Kemen Selectah entzuteko aukera daukagun.
Don Carlos, Kingston mendebaldean jaiotako abezlari Jamaikarra da gaurko saioko protagonista. Black Uhuru taldeko partaide izan zena haisera batean, baina nahiago izan zuen bere bidea bakarlanean segitzea. 
“Don Carlos” en hainbat abezti entzun ahal izango ditugu, emakumeak maitemintzeko erabiltzen dituen doinu goxoak eta baita reggae onena zuzenean, 2004. urtean San Franciscon emandako ekitaldiaren zenbait abezti jarriko ditugulako.
Don Carlos abezlariaren saioa entzun