Gaurko saioak Bob Marley & The Wailers du mintzagai. Baina
ez dituzue eurek idatzitako abestiak entzungo, egiten zituzten bertsioak
baizik. Peter Tosh, Bunny Wailer eta Bob Marleyren ahotsak entzungo
dituzue, bai, baina Curtis Mayfield, Bob Dylan, Richie Havens, Nina
Simone eta beste askoren abestiak abesten. Bestalde, “Kingstonetik
Euskal Herrira” tartean Dr Ring Ding abeslari eta tronboijolearen
abestiak entzun ditugu, Bilboko Kafe Antzokian jo baitzuen orain dela
gutxi.
Kingston Hiria irrati saioa bueltan da XABI CRESPO eta LON GORKA FERNANDEZ aurkezle berriekin! Kemen Selekta eta gero Euskal SEO
(neu) aurkezle bezela aritu ondoren orain Lon eta Gorkak ekarriko
dizkigute Kingston hiriko soinu uhinak euskaldunon belarrietara.
Urtea bukatu arte, Estatu Batuetatik arituko omen da Eek a mouse kontzertuak ematen . Bere web gune ofizialean, datorren urterako programatutako kontzertuen informaziorik ez dago eta pena ematen dit, 2009an ere Euskal Herrian Eek a mouse zuzenean entzuteko aukerarik egongo ez dela ematen didalako.
Behintzat, aurten ateratako diska arteraukoen bilduma izan dela ikusirik, 2009an abezti berriekin diskaren bat aterako duen esperantza ba dut.
Urte bat baino blog honetan berririk emangabe egon ondoren, berri garrantzitsu batek ekarri nau berriz hona.
Anthony B -k Urriaren 23an Bilboko Kafe Antzokian emango duen kontzertuaz informatzeko.
Idazten dizuedan bitartean Kingston Hirian grabatutako Anthony B ren saioa entzuten ari naiz, eta zihur naiz entzuten baduzue zuek ere ostegunean Anthony B rekin dantzan hasteko irrikitan ipiniko zaituztela.
Bihar Gregory Isaacs-en kontzertua entzun, ikusi eta gozatu ahal izango dugu etxetik gertu. Bilboko Santana 27 aretoan arituko da Gregory Isaacs 20:30etatik aurrera.
Gregory Isaacs-en saioa egin genuen aspaldi, momentu ona da hau hura berreskuratzeko.
“Garabantzuk” deitzen den film laburra ikustera gonbidatzen zaituztet.Euskal Herrian egindako lana, aurrekonturik gabe eta ilusio handiz egina, Kingston hirian ere gerta litekeen historia.
Harrituta utzi zituen Eek a mousek entzule guztiak Kingston Townen ozpatzen den Reggae Sunsplash jaialdian, baita neu ere lehen aldiz bideo hau ikusi nuenean. Aparta da Eek a mouse, eta arraroa irudtzen zait Euskal Herritik pasatu ez izana.
Bilboko Aste Nagusian itzela izago litzateke Gas plazan Eek a Mousen kontzertuaz gozatu ahal izatea.
Boban Markovic tronpetajole aparta ez da bere reggae edo ska erritmoengatik famatua, balkanetako ijitoen erritmoen maisua delako famatua da mundu osoan, baina gaur Bucovina DUB deitzen den abezti baten bideo bat aurkitu dut .
Eta Jamaikako artista batzuen zale amorratua naizen bezela Boban Markovic-en jarraitzaile ere banaiz, hain jarratzailea Gucara joan nintzela bera zuzenean entzuteko. Orain itzultzeko gogoarekin nago eta honelako bideoak emozionatu egiten naute.
Kingston Hiriko saio berriak faltan botatzen badituzue, lasai egon zaitezkete laister datorrelako Sly & Robbie-ren omenezko reggae saioa!
Manu Chaoren La Radiolina azkengo diska dagoeneko badago dendetan eta baita interneten jendeak debalde deskargatzeko moduan.
La Radiolina entzuten ari naiz lehenengoz hau idazten dudan bitartean, eta entzun ditudan 7 abeztiak kristonak iruditu zaizkit, %100 Manu Chao diska, nahiz eta Mario Caldatok ere zer esanik izan duen.
Kingston hiritik egiten dudan gomendazioa, inork ez dezala datorren ostegun gauen BECean Massive Attack taldeak emango duen kontzertua, itzela izango delako.
Hurrengo egunean Weekend Dance Madrid festibalean Faithlessekin batera, Hau ere ondo egongo da benetan!